للرفع

حبيباتي بنات الخليج لازم تسمعون قصتي ويه أستجابه الدعاء:
أني كنت طالبه بالاعداديه كلش شاطره ومن الاوائل وفرحانه بنفسي أكثر من الازم يعني كنت مغروره بشطارتي وبشكلي لانه ألله أنعم عليه بشكل لطيف وخفه دم والكل كانوا يدللوني وكنت سافره ومتبرجه وبعيده عن الله بس عمري مسويت ذنوب كبيره بس كنت متبرجه وعايشه مراهقتي بين الدراسه والاغاني مو أكثر ,وكانوا أهلي متأكدين أنه راح أجيب الطبيه(كليه الطب) بس سبحان الله رب العالمين راد يغير مسار حياتي ويوعيني على أخطائي فأنصدمت بالمعدل ومرحت الكليه المتوقعه ورحت كليه العلوم صحيت وحاسبت نفسي وقررت أتحجب وأتقرب من ألله وصممت أنه أعوض الالم الي صارلي وأكمل ماجستير وبديت أتقرب من الله,وتأثرت بعمرو خالد جدا وتحجبت قبل حرب السقوط وبعدين صار الوضع أبغداد كلش صعب قتل وذبح وتهجير بس صممت أقدم على الدراسات لانه كنت من الاوائل وكالولي مراح تنقبلين مستحيل لانج سنيه والحكم بئيد الشيعه وأنتي ماعندج لاواسطه ولاشي,بس والله بنات كنت مصممه ودعيت أربع سنين الكليه وكنت أبجي بالدعاء وأتوسل من ألله ,وسبحان الله أنقبلت وكان أسمي ثاني أسم ويه أسماء المقبولين ,والله تبهذلت وطلعنا من بيتنا وسويت نقل لغير جامعه ودرست بعيد عن أهلي ومررت عليه أيام من أتذكرها أكوم أبجي بس رحمه الله كبيره قبل فتره كلش قصيره ناقشت وألله رزقني الامتياز وكنت الاولى على دفعتي بفضل رب العالمين,كنت أدعي وماأمل من الدعاء بالليل ويه السجود برمضان كله وقت الافطار ووقت المطر وكلما أسافر وأني متأكده راح تستجاب كله دعواتي الثانيه بالزواج والوظيفه بأذن الله ومراح أيأس أكثر من أنقبلت ماجستير بنص حكم الشيعه وجان شي شبه مستحيل قبولي ,بس الله أذا راد شي كن فيكن رغم الدنيا كلها
بنات أياكم تيأسون من رحمه الله,ولاييئس من روح الله الا القوم الكافرون

للرفففففففففففففع

ياااااااابنات مشكورين على تفااااااعلكم بجد عطيتوني امل
الله يوووووفقكم ويسعدكم ويرزقكم ماتتمنووووووووووون

الله يجزاك خير