من ذكريات الطفوله مؤلمه بس مضحكه

السلام عليكم ورحمة الله وبركاتة
كيف أموركم أتمنى تكونون بخير وسلامه
اليوم تذكرت موقفين من مواقف الطفوله وجلست أضحك وقلت خلني أخذ أجركم وأضحكم شوي
زمان في رمضان أيام الامان وقبل الاذان راحت المسكينه الي هي أنا البقاله القريبه من البيت
قالك أبي أخذ أجر أشتري لبن وأعطيه أبوي ياخذه المغرب للمسجد وأطلع من البيت مستعجله
وأجيكم طايره من اللفه وما يردني الا ذاك البنقالي بسيكله :7_5_127:والله طرت وشوي
وأوصل بيتنا من الصدمه و صرت أشوف البنقالي أثنين من الخبطه :icon32: وهو مسكين صار يلملم
السيكل لانه صار قطع غيار الكفرات لحالها والمقعد طاير وهو الحمد لله محتفظ بالدركسون و بس
يهز راسه ويناظرني من القهر وأنا بعيد عنكم رحت أتعاوج لين وصلت البيت وعطيتهم اللبن ونمت
في الصاله وشكلي فقدت الذاكره بعدين لاني ما اتذكر وش صار بعدين وحمد الله على سلامتي
والموقف الثاني عاد كبرت شوي وصرت ادخل المطبخ :angry:ومره قالتلي أمي
غسلي المطبخ عاد لازم ارفه عن نفسي أكثر الصابون وأتزحلق شوي وتجي اختي الاتدخل
المطبخ اقولها انا اعطيكي الي تبين وانتي برا تقول لا وتدخل غصب عني واجي اضربها على
ظهرها وتجيكم البنت زي الصاروخ وانا وراها ابي امسكها وما يردها الا الدرج كسرته ودخلت
وسطه وانا مالحقت الا الراس قدرت امسكه والجسم في الدرج وخايفه لاتجي أمي وتشوف
الي سويته بالبنت والدرج والمشكله اني ماسكتها لا قومتها ولا خليتها تقوم والحمد الله على
سلامتها والحين جا دوركم ضحكونا واتمنى تكونون كذا :)على طول