من راحت العثيم مول امس وضايع منها شئ؟؟؟؟

طبعا سبب انى احط الموضوع هنا ان من اكثر من 3او4سنوات ماقابلت وحدة قريبة ولاغريبة الا ومشتركة بعالم حواء ههههه بيتهن الثانى ~~امس كنت بالعثيم مول وقبل ماوصل للمصعد وفى نص السيب (الممر) اللى بين سنتر بوينت والباب الرئيسى جلست على المقاعد اللى بتكون فى المنتصف لانى مريضة ومابقدر امشى كتير وعيالى مجنننى فجلست وقبل ماخد نفسي لقيت جنب الكرسي شنطة محل مكتوب عليها بالانجليزى .توقعت ان فى احد اكل وحاطط فضلات الاكل والورق بهالكيس مثل مابنسوى كتير هالحركة وكان معايا كيس السينابون اكلته لبنتى ورميت العلبة فى الكيس ومالقيت قدامى سلال نفايات وانتو بكرامة فقلت خلينى ارميه جوا هالكيس وخلاص ولا من شاف ولا من درى اتفاجأت انه فيه حاجات وليست زبالة اعزكم الله فقمت وقفت ومسكت الكيس رفعته بيدى لفوق وانا اناظر يمين وشمال يمكن القى ناس بتدور ولا شئ فبنتى قالتلى ياماما اكيد بيرجعوا لنفس الكرسي مكان ماكانوا قاعدين خلينا نستنى شوي ولو ماجاء احد نروح للامن قلت على بنتى بسم الله ماشاء الله عليك صغيرونة ست سنوات الله يحفظها ... وانا اصلا كسلانة اقوم من مكانى بسبب ظهرى الله يعافيكن والله جلست يمكن ثلث ساعة او اكتر وانا ابص يمين وشمال وحاطة الكيس بعيد عنى ليفكروه تبعى ومايسألونى وبالاخر لما قمت وقلت بروح للامن او اشوف محل مكتوب عليه زي اللى على الكيس ولفيت شوي ومالقيت محل له نفس شكل الاسم انا اصلا مانى عارفة اقرأه انجليزى
ومن تعبى وخلاص عيالى بكي طول الوقت على الملاهى فروحت على الامن اسأله هل احد بلغ عن فقدان شئ قالى لا وهو متردد كأنه لقى كنز الله اعلم ...فحطيت رقم زوجى هناك وقلت له اللى له شئ يتصل يقول ايش هو وفورا بوصله لباب بيته لو باخر الرياض ولو برا الرياض برسله على حسابى ... وطبعا انا لما بلقى شئ فى محل بسلمه لامانات المحل ومالى دخل بالباقى ترجعله صاحبته اوك مارجعتله مايخصنى لكن لما بلقى شئ فى خارج المحلات او فى ساحة مابعطيها احد ولا للامن ولكن بحط بيانات اتصال زوجى ولله الحمد تكررت معى اكتر من مرة من قبل ووصلت الاغراض لصحابها لدرجة شنطتى الهاندباق تبدلت معى بالمطار وكان في شنطة اللى جت معى بالغلط أطقم اكسسوارات وطقم ذهب وفستانين سواريه وملابس طفلة والحمدلله فورا راح زوجى رجعها للمطار وله هناك صديق مدير بالجوازات يقوله ان اصحابها مارجعوا ولا بلغوا وكذلك شنطتنا مارجعت تخيلو؟؟؟؟؟
المهم ماعلينا ......
انا موجودة هنا وتعرفونى واللى الموضوع هذا يخصها او احد اقربائها بقولها ابشرى الكيس باللى فيه فى يد امينة مسلمة تصلى وتخاف الله واذا مافى هنا وحدة لها صلة بالموضوع احب اقول انى راجعة بكرا للسوق ادور المحل برواق بس افطر وانزل لانى صايمة وماقدر امشى وانا صايمة ..
تصدقون ؟؟؟؟؟ والله العظيم ماجاء ببالى حتى اسأل الرجل فين هالمحل؟؟؟ ولاحتى هو سألنى .. وقاعد يمزح ويقول وهو متحمس (كم المبلغ يعنى .. جوال مثلا؟؟ ولااسوارة ذهب طايحة؟؟)

ارفعو الموضوع لبكرا وبعدها الكيس بيكون خلاص ماهو معى...