من راحت عيادة الدكتورة اوراس في الشارقه وشو رايكم فيها...؟

أنا عن نفسي ما جربتها لأني لين الحين ما سمعت حد يمدحها إلا في الكشف على البيبي وتحدد جنسه
لكن جربت د. زينب الشنار وصحيح عيادتها زحمة،،، بس واااااااااايد ممتازة وفوق الممتازة والله يشفيج ويعافيج ويرزقج ما تتمنين

بصراحه الغاليه أنا بعد ما تعاملت مع دز أوراس وعلى جذيه ما سمعت بصراحه حد ينتقدها.....بس اللي تعاملت معاها هي د. زينب الشنار بصراحه ماشالله وايد أوكيه وأنا مع فراشه في رايها عن الدكتوره زينب

مرحبا اختي
انا سمعت عنها انها زينة وفيه حرمة ما حملت من 10 سنين وراحت عندها والحمدلله الله رزقها بالذرية
انا ناويه اسير اليوم عندها العصر اذا الله اراد
انا عندي تكيس وعدم انتظامف يالدورة والجديد في الوضع ولله الحمد انه عندي سمك في البطانه ومثل الزوائد اللحمية مب متاكدة الدكتورة وابغي استشيرها في الموضوع عن الاشعة الصبغية

الي مدحوا الدكتورة زينب وين مكانها او شو اسم عيدتها
والله يخليكم حد عالج عندها وحمل وكان عنده تكيس ؟؟؟
ردو عليه اليوم الله يخليكم لاني ناويه اسير الشارجه وانا من العين يعني مشوار

شمس الدكتوره اوراس ماشاء الله عليها دكتوره شاطره بس مشكلتها الزحمه يعني ممكن تيلسين عندها بالساعه والساعتين تتريين دورج واذا انتي مصممه تروحيلها تعالي الساعه اربع عندها وزينب بعد ماعليها كلام ........

أختي شمس عيادة الدكتورة زينب اسمها عيادة الشنار في دبي اتصلي وهم راح يدلونج هيه واااايد احسن من اوراس لان عيادتها زحمه وما تعطيعج وقت تشرحين وعلى طووول اتسويلج سونار بدون ما تسمعلج وأنا عندي وايد مشاكل معها في العائلة مثلا اختي اعطتها كلوميد مع انها ما تحتاج وما شيكت على الأنابيت بالأول واستوالها حمل خارج الرحم واضطرت اتسوي عمليه وتشييل مبيض واحد ونفس الشي زوجه أخوي وأنا كنت مركبه عندها لولب يوم بغيت اشله شلته بدون ما تشيك هل أثر فييه ولا لا وكان مسولي قرحه في عنق الرحم عانييييت منه وايد لين ما خف
يعني أحس انها ماديه بحته ما تعطيج وقت انتي عندها في غرفه الاستشارة وهي بتكون واقفتلج عند الباب تباج تطلعين علشان ادخل وحده غيرج

دكتورة زينب احسن منها