من رحمة ربي 00جتني دفعت بلااا ؟!

السلام عليكم ورحمة الله00
أخواتي الغاليات00حبيت أفيدكم بموقف حصلي 00
وهدفي نشر العلم والفائدة لوجه الله عز وجل00 ثم لرد الجميل لأخوات كم أستفدت منهم00
أجري على الله سبحانه وتعالى 00لا تضغطون على أنفسكم اللي بترد ترد مأجورة ومشكورة 00
واللي مابترد مسموحة ومعذورة00
الموقف كان يوم الثلاثاء قمت من النوم الساعة 11 جهزت غداي وبستعد لصلاة الظهر 00 من قمت وأنا صدري مقبوض بلا سبب00أحس بضيقة كأن شي بيصير !؟ والله العلي العظيم هذااللي حصل00
صليت الظهر وقمت أستغفر لحد ما طلع زوجي من الدوام 00 تغديت أسم بس 00 وأحاول الهي نفسي عن هالقلق اللي ماشوف له مبرر 00المهم فيني حاجة ملحة للصدقة أسغفر أستغفر بس الصدقة على بالي 00ماعندي مجال للصدقة الساعة 3 من أعطي ووين أروح ؟؟
انا دوامي مسائي يعني شوي وبيجي السواق00طرت لي فكرة أني أعبي ترمس ماء وأخذه معي للمدرسة البرادة خربانة وحر على الأمهات00 أخذته وطلعت للمدرسة 00ماقلت لحد شي00
زوجي مانام أخذ البنات وراحوا البقالة فيه عندنا أعمال حفريات بالشارع00يقول رحمة العمال بهالحر وأخذ لهم عصير وماء وخلا البنات يعطونهم 00ماهي عادة بس ربي حبيبي00
طلعت من المدرسة مرتاحة نفسيتي ولا على بالي 00أقول تصدقت باللي أقدر والباقي على الله سيحانه 00
طولت عليكم بس أبيكم تعيشون ذيك اللحظة 00
كنت جوعانة مرة فبكرت بالعشا وخليت لزوجي بالحافظة 00 صلا العشا وجانا جلسنا نسولف ربع ساعة البنات كانو عندي 00 مدري شلون الا الباب يطق 00ميين الا الرجال يقولي أفتحي خوذي بنتك 00 عجزت أستوعب ويعيد علي نفس الكلام 00 وأفنح الباب الا بنتي الكبيرة 8سنوات بحاله يرثى لها شبعانه من الصياح والهبلة00
شهقت وضميتها زوجي طلع للولد أنا ضامتها وأسمي عليها جاني شي أكبر من الصياح 00
وش السالفة ؟؟قالت يوم شفتك أنتي وباب تسولفون رحت بشوف العمال بالشارع ماحطيت الصقاطة حقت الباب صكر علي ومافيه بالشارع إلا العمال قمت أطق عليكم 00أطق عليكم ماحد فتح والعمال كل واحد راح بمكان وأنا بالشارع لحالي ولمبته مكسورة 00 تقول قلت بروح لبيت خوالي 00يوم مشيت نص الطريق خفت فيه سيارة عمال تمشي معي رجعت ياماما وعيا لا يطلع صوتي من الصياح 00
ألا هذا ولد جارنا عرفني وجابني لكم 00
اعتقد أنكم عرفتم وش رجع لي بنتي ؟؟والا كان ها الحين بعداد المفقودات 00
الله يحمينا وياكم ويدفع عنا البلا00
دمتم في حفظ الله