من زمان ماحطيت مكياج مناسبات ياليت ياخبيرات تعلموني

اتبعي هالخطوات ويفضل تلبسين عدسات تكون متناسقه مع لون الشدو ولبسك منظرك يكون احلى

بسم الله نبدأ

طبعا انتي ماقلتي شنو لون بشرتك ولا قلتي عينك صغيره ولا كبيرة وملامح ناعمه ولا ... هالاشياء مهمه علشان نقدر نفيدك

على كل حال بحط لك مكياج يناسب العين الصغيره ومكياج يناسب العين الكبيره

اولا اذا عينك صغيره

بعد ماتحطين الفاونديشن والباودر حطي كميه من اللوز باودر الابيض تحت العين

وبعدين ارسمي الحاجب بالشكل اللي تحبينه واذا تشقرين غطي الشعر بقلم خاص للحاجب من شارمل وحطي فوقه شدو ابيض من شارمل ووزعيه على كل الجفن الثابت

وبعدين جيبي قلم ابيض من اي ماركه مو مهم المهم انك ترسمين خط من نهايه فتحه العين الى الحاجب علشان تحددين المنطقه المفتوحه وتحافظين على نظافتها

والحين جيبي شدو فاتح وحطيه على كامل الجفن المتحرك ومديه شوي لزاويه العين الداخليه

وارسمي بالشدو الغامق خط من نهايه العين فوق الخط الابيض على الثنية اللي بين الجفن الثابت والمتحرك ومديها شوي لي فوق بفرشه التوزيع راح يطلع اللون فاتح ولامع بسبب الشدو الابيض وهذا المطلوب

وبعدها ارسمي خط آيلاينر من قبل بدايه العين (لا ترسمينها من البدايه الحين بقولك ليش ) الى فوق الخط الابيض وخليه سميك شوي عند الطرف
وارسمي فوقه بفرشه شارمل بالشدو الاسود من ماك وادمجيه زين ووزعي الاطراف بفرشاه التوزيع من شارمل رقم 931 وبعد ماتنتهين طبطبي بالشدو الغامق اللي سبق وحطيتي منه فوق الاسود

وجيبي اللون الذهبي او الفضي من شارمل حسب لون مكياجك واكسسوارك ووزعيه في مقدمه العين عند الانف

وحطي الرموش خارج فتحه العين من الخلف علشان يعطيها طول

وارسمي العين من تحت نفس الصوره.. اولا الايلاينز وحدديه بالفرشه رقم 911
وبعدين نمرر من وسط خط الايلاينر وننزل شوي تحت بالغامق
وبعدين فاتح
الحين نشيل باقي اللوز باودر
ونحط مساحه من الذهبي او الفضي بشكل خفيف

الحين ارسمي بدايه العين بالشدو بفرشه شارمل ومديها مثل الصوره

داخل العين والاطراف حطي لها شدو غيرلان الابيض

وآخر شئ الماسكرا والستار باودر من شارمل

لاتحطين ماسكرا على الرموش السفليه تبين صغر العين

ثانيا العين الكبيره


بعد ماتحطين الفاونديشن والباودر حطي كميه من اللوز باودر الابيض تحت العين

وبعدين ارسمي الحاجب بالشكل اللي تحبينه واختي تشقر حواجبها واخفيتها لها بقلم خاص للحاجب من شارمل وحطيت فوقه شدو ابيض من شارمل ووزعته على كل الجفن الثابت

وبعدين جيبي قلم ابيض من اي ماركه مو مهم المهم انك ترسمين خط من نهايه فتحه العين الى الحاجب علشان تحددين المنطقه المفتوحه وتحافظين على نظافتها

والحين جيبي شدو غامق وحطيه على كامل الجفن المتحرك ومديه شوي صعودا عند الجفن الثابت

وجيبي شدو فاتح وحطيه من فوق ثنيه الجفن وادمجيه مع الغامق صعودا راح يطلع اللون فاتح ولامع بسبب الشدو الابيض وهذا المطلوب

وبعدها ارسمي خط آيلاينر من قبل بدايه العين (لا ترسمينها من البدايه الحين بقولك ليش ) الى فوق الخط الابيض وخليه سميك شوي عند الطرف
وارسمي فوقه بفرشه شارمل بالشدو الاسود من ماك وادمجيه زين ووزعي الاطراف بفرشاه التوزيع من شارمل رقم 931 وبعد ماتنتهين طبطبي بالشدو الاخضر الغامق فوق الاسود وحاولي تمزجين معاه شوي فاتح بس لا توصلين اللون للحاجب خلي اللمعه تبان

وجيبي اللون الذهبي او الفضي من شارمل ووزعيه في مقدمه العين عند الانف وعلى المنطقه تحت الحاجب

اذا كنتي محتاجه رموش حطيها فوق خط الرمش الاساسي

وارسمي العين من تحت .. اولا الايلاينز وحدديه بالفرشه رقم 911
وبعدين نمرر من وسط خط الايلاينر وننزل شوي تحت بالغامق
وبعدين فاتح
الحين نشيل باقي اللوز باودر
ونحط مساحه من الذهبي او اي لون فاتح بشكل خفيف

الحين ارسمي بدايه العين بالشدو بفرشه شارمل ومديها الى نهايه العين

داخل العين حطي كحل ملون يتناسب مع الشدو او اسود

وآخر شئ الماسكرا والستار باودر من شارمل

وحطي مسكرة على الرموش السفليه يعطيها منظر حلو

نقاط توضيحيه ( امحق شرح )

حبيبتي لتحديد الالوان راح اعطيك امثله

اذا لبسك ازرق والاكسسوار فضي

الغامق يكون كحلي او ازرق داكن

الفاتح يكون درجات فاتحه جدا من الازرق منها السماوي

اللمعه تكون فضيه

الحكل الملون تحطين ابيض او ازرق سماوي واذا ماعندك سماوي ارسمي بالابيض وبعدين مرري فوقه بالفرشه شدو سماوي او اي درجه من الازرق

رسمه العين من تحت بعد مانرسم الايلاينر وبعدها ازرق غامق وبعدين ازرق فاتح المساحه اللي نحطها ممكن تكون فضي او وردي اذا الروج وردي


ويارب اكون افدتك

ولاتنسيني بدعائك