من زمان نفسي افتح هذا النقاش....الزوج وطلب الطلاق

الله يكون في عونك ، مثل هالمواضيع حساسة ماأقدر أفيدك فيها ياليت البنات يساعدونك ...............................................................

شوفي اختي سبحان الله.. كل سيدلو بدلوه .. والكل بيقول رايه!!

أعرف مدى مرارة الإجابه!! واللي تتكرر في كل مره نفسها نفسها:-
اصبري .. اصبري.. حاولي تغيرينه.. اعملي كذا وكذا؟ وكأنج ما جربتي
طول هالسنين .. وكأنه الأمر ما كان شغلج الشاغل من الأساس وكل
اللي في هالدنيا جربتيه معاه لكنه هو .. نفسه .. ما تغير!!

اللا مبالاه أو القسوة أو شو ما كاااان لازال هو!!

يمكن كوني مررت بتجربة !! وعارفه هالإحساس!! انه خلاص انا حاجاتي
العاطفية ما الله كتب لها ان تُلبى .. الله ما كتب لي حياة سعيدة!! هذي حكمة
الله!! .. اقتنعت بالنصيب.. وكنت أعرف انه الطلاق بعيد كل البعد.. لأن كل من حولي

سيعطوني نفس الإجابة!!!!! لا للطلاق .. أصبري!!!!

لذلك تجاوزت التفكير في الطلاق.. لما هو أعمق
لقدرة الخالق وحكمته!!

وعشان ابيّن لج مدى روعة الخالق سبحانه يمكن احتاج صفحات وصفحات
ومابنتهي!!..

الله سبحانه كريم.. ما ينسى عباده..
الصبر اللي تصبرينه.. احتسبيه عند رب العالمين

وشوفي النتيجه

لا تنتظرين إجابة مني أو من غيري!!

أنتظريها من رب العالمين

هذا اللي حصل معاي..
ورضيت بكل طيب خاطر باللي ربي كتبه لي!! وسلمت أمري له
وعشت هنيئة البال لأني ما كنت انتظر شي من زوجي كنت أنتظر
من الرب اللي خالقه..

ووصلتني الإجابة

انتهت تعاستي بطلاق .. لم اطالب به!!

طلاق جاء بدون سبب منطقي.. بدون مقدمات!!

بدون حتى ان اسعى فيه لو بزعل؟

وكان بداية خلاصي
وكانت احسن اجابة وصلتني من رب العالمين على صبري!!

يومها عرفت اني لو قعدت سنين اطالب بطلاقي يمكن ما كان
يوصلني..

لكن ربي أكرمني لأنه ابتعادي كان عن طلب الطلاق خشية منه
كون انه طلب الطلاق شيء مكروه او غير مستحب!! بدون داعي
وما كنت اعرف اقيّم هل لوضعي داعي أو غير داعي؟!!

استفتي اهل الفتوة وإدعي ربج .. وصلي استخارة ما تعلمين
شو ربج كاتبلج..

ليش كده يا بنات
انا محتاجة المشورة
الموضوع هذا قلبلي مخي وصرت بس ابكي
الله يسامحكم
***********************
امasa دحومي
جزاك الله خبر على المرور

*************************
روحــ لك ـــي
جزاك الله خير على المرور
اختي فعلا الكل يقوللي اصبري
وانا زيك خايفة اجيب سيرة الطلاق
واول مرة افكر في الموضوع هذا
رغم انه كثيييييييير نتضارب ونتشاكل
لكن دحين مافي اي مشكلة ظاهرة
والموضوع اللي فتح كل جروحي وخلاني اثور انه قللي ما يعرف هل فعلا هو يحبني ولا لا
ويقول انه ما يعرف الحب
كيف يعني احب
انا ما احس هذا الشي اتجاه اي احد
اااااااااااااه
تعبت وانا احاول افهمه انه في شي في الدنيا اسمه مشاعر واحساس وحب ووفاء ووووو
لكنه عملي100%
ما يفهم هذي اللغة ابدا
وانا بدات احبط
واحتاج فعلا لانسان يفهم معنى الحب
النظرة
الاحساس
العاطفة
يعطي ولو دعوة
قابلة بجزاك الله خير
ما ابغى مدح وغزل
يكفيني القليل
ااااااااااااااااااااااااااااااااااااااااااااااااااااااااااااااااااه
اللهم صبرني وفرج همي
اااااااااااااااااااااااامين

ام عبدالله انا وانتي وروحي لك..
كلنا عانينا ومازلت اعاني من نفس النوعيه
من الرجال..
نوعيه فقدت الموده والرحمه..العاطفه عندهم
صفر..
http://forum.hawaaworld.com/showthread.php?t=562594
اقرأي هذا الموضوع ياام عبدالله لتعلمي ان هناك
من يشاركك الهم منذ زمن طويل..
نصيحة اختي روحي لك من ذهب..وقبل ان اقرأها
كنت قد وصلت لنفس قرارها...
لن اطلب الطلاق فلدي من اضحي من اجلهم وابيع
الدنيا كلها لعيونهم (اولادي) ..
وسأظل اطلب من ربي الفرج وتغيير الحال وهو سبحانه
اعلم بما يناسبني..
اختي صرت لاانتظر منه شيئاً ابداً..
اذا عشتي لاهداف اسمى واعلى لن تهمك عواطفه..
بل لن يهمك هو..
سيكون همك ارضاء ربك ..
انتي الآن ربما حساسه لحاجتك للرعايه النفسيه...
بما انك حامل ومتعبه..لكن بعد فتره ستتأقلمين..
ولن تهمك عواطفه.
اصلا في وقت الالم والتعب اعتبريه غير موجود
ومدي يديك الى رب الوجود..
ماخاب من رجاه والتجاء اليه.
اعانني الله واياك وكل مكروبه.

يا أم عبدالله ربي يفرج همج وماتعرفين كيف سبحانه قادر
على صنع المعجزات كيف ما يقدر على تغيير هالزوج؟

إدعيه سبحانه.. ومثل ما قالتلج العامرية لا تنتظرين أشياء منه
حتى لو انتي بحاجتها..

أنا يمكن اللحين صرت خارج الموضوع وانتهت مأساتي الأولى
والله عوضني بخير.. الله رزقني زوج صالح يراعيني .. وكل ما شكرت
ربي تذكرت انه سبحانه كتبلي العوض .. وكيف يوم كنت في نفس مكانكم
انتي والعامرية كنت أقول خلاص مالي نصيب اعيش براحه لكن قدرته
محد يقدر يتنبأ وشو ممكن يصير.. كنت في وضعي اقول مستحيل اتطلق!!!!
فكيف يوم تطلقت ممكن أفكر اتزوج من جديد؟؟؟؟؟؟ كلها هذي كانت بعيده
عن بالي..

ما تدرين كيف ممكن ربج يعوضج؟ ممكن الله يكرم زوجج في أمر بعدها يتنبه
ويتغير؟ ممكن مع الوقت (العملي) هذا كلمه من صديق أو من أخو بدون قصد توعيه!!

لا تضيعين نفسيتج في انتظار.. إذا كنتي سعيتي؟ للحنان والحب والعاطفه من كل قلبج
وما حصلتي عليها؟ ما بيدج شي .. ابحثي عن ماهو أسمى .. خذي الحنان من عيالج
من صديقاتج من أخوانج.. والأهم من هذا كله صفي ذهنج عشان تحسين بكرم ربج
يوم يكرمج فيه .. وتحسينه له طعم ومعنى مختلف..

زوجج الله ما رزقه الأسلوب يمكن لأنه يا كم أزواج ما يحبون زوجاتهم ؟ بس من فيهم
ممكن يقولها؟ .. يمكن صافي النية دوري الإيجابيات اللي فيه!! هو ماهو عارف تصنيف
الحب؟ ولا وصفه!! زوجج عملي حسي بحاجته لج (هذي حب) حاجته لو كانت في مأكل
أو ترتيب بيت أو شو ما كانت هذي حب .. الحب عبارة عن حاجه شخص للشخص الآخر
من بد غيره!!

قوليله لو ما تعرف انت تحبني ولا لا قولها لي أنا احتاجها منك لأني انا احبك!!
خليج عمليه وواقعيه!! وابتعدي عن الحساسية مافي مثلها يخرب كل شي!!

زوجي الحالي.. مافي احن منه!! لكن في اشياء احتاجه منه!!! اطلبها!! احتاجك يا اخ
مره من مره تي تحضني تحسسني بحنانك او انك تحبني؟؟؟؟ احتاج كذا وكذا وكذا!!!

يبرر بأي شي اقوله ما يهمني لو انت ما لك هالحاجه انا احتاج هالشي؟!!!! مع الوقت
بيتعود!!!!! قبل كنت اقول مستحيل اطلب شي لو ما بيي من الخاطر وش فايدته؟ لا اللي ابيه
باخذه اليوم من ورا الخاطر بكره بيتعود!!!!!!!! ولا اقعد انتظر شي واتشفق عليه وما اييني



حاولي اول شي تكسبين انه يسمع!! إذا سمع معظم الأمور بتنحل.. !!!

ممكن شي بسيط يخليه يسمع .. شي يحبه .. لابد ما يكون في شي يحبه!! تدخلين له من خلاله
بعطف وهدوء وعمليه دامه عملي!! كلميه بأسلوبه دامه مش عارف يكلمج بأسلوبج!!

اتمنى من رب العالمين يسخر قلبه لج ويبعد عنه القسوة.. ويفهم معنى الحب