طيب السالفه قديمه
ليه حازه بخاطرك لمن الحين؟

الله يهديتس ويصلحتس ايام وراحت والرجال قال عذره وعذره مقبول
ماخبرنا الملكة يصير فيها هدايا اصلا وزيادة الناس تختلف عاداتهم وطبايعهم
وفيه ناس يعطون هدية في صباح يوم الزواج
وناس الآن يقالهم تطوروا وصاروا يحطون حفلة قبل الزواج
ويجيبون هدية ويقولون شبكة وخلاص تكفي عن الصباحة على قولتهم

وهو جاي وجايب المهر وهدية عود ماقصر ماجاب المهر شيك مسفط وقال يكفي
وتقولين العود رخيص وش دراك أنه رخيص قايل لكم سعره وإلا أنتي خبيرة بالعود؟؟؟!!!
ورخيص او غالي هو جايبه وشايف أنه مناسب من وجهة نظره هو ولا لازم يجيب لك اللي الكيلوبـــ 30ألف

يعني قيمة نص المهر!!!؟؟
صدقيني أعرف وحدة تقول المهر حوله من حسابه لحسابي هههههههههههههه
يعني لا حركات ولا شي ولا تقديم مهر في صندوق ولا حتى في قوطي ههههههههههه

صدقيني أخواني وهم شباب مايعرفون ولا شي من هاللي يسوونها الحريم لولا أننا معهم ونعلمهم
يعني بالله رجال طول وقته مع رجال وين يعرف هالحركات
والله يوم قلت لهم عن بعض الأمور قالوا لااااااااازم مايصلح العرس من غيرهن ؟؟ً!!!
يعني مستغربين من هالحركات اللي الحريم يسوونها هههههههههه
وأنا والله أوصيهم عشان البنية تفرح ولا تقعد تذكر مثلتس ألحين الله يهديتس وتتحسر على شي تافه
مع انهن بإذن الله عاقلات تفكيرهن أكبر من هالأمور
وصدقيني لو جاب هدية مو دليل أنه كريم ولو ماجاب هدية مو دليل أنه بخيل
وأحمدي ربك غيرك حتى مهرها طفسة ولا شافت هدايا ولا كرم ولافرحت زي غيرها بشي
وأهله ماجابوا لك هدايا إحمدي ربك اللي مغنيك عنهم وأنتي عامليهم بالمثل إذا هالشي مضايقك
وإذا أنتي بتعملين بكرمك وبأصلك على الأقل وقت الزيارة في مناسبة ولادة أو مرض تاخذين معك لو صحن حلا
بخمسين ريال واليد العليا خير من اليد السفلى
وريحي بالك والله لو بنجلس نفكر بالماضي ماجانا النوم ساعة من كثر الهم زود على الهم اللي نعيشه
فأكثري الحمد والشكرلله وداري على بيتك ولا تطلعين أسرارك لازينة ولاشينة لأي أحد
خلي أمورك الخاصة خاصة وتعاملي مع الناس في الأمور العامة
خاصة أهله مادام من البداية كذا وعموماً لاتثقين في أحد بسهولة وتحكين له اسرارك نصيحة
النفوس تتغير وتتقلب الله يكفي الشر إذا عندك شي عندك صديقة بعيدة
عن العائلة يكون أفضل وغذا أمك موجودة فلا تتعدينها الله لايخليكم منها الأم مافي مثلها
والله يخلي لك عيالك وزوجك ويسخرهم لك ياااااااااااااارب
ووسعي صدرك :)

حبيبتي لاتفكرين فاللي راح يمكن كان على نياته
وهو متزوج يمكن الخطأ من الخواته اللي ما نبهوه
خلاص المشكله قديمه وعندك اولاد
وبخصوص اللي جوك ويدينهم فاضيه احسن لك عشان ماتتعبين معاهم اذا جاهم الواجب

تقبلي مروري .....

الحمد لله واستغفر الله وسبحان الله