من زوجها يستخدم حبوب نفسية ..تدخل هنا نبث همومنا

السلام عليكم ورحمة الله وبركاته



بنات أنا محررة بعالم حواء بس لظروفي الخاصة سجلت بمعرفي هذا من فترة



انتو اكيد بتستغربون لما تقرأون النك نيم هذا كتبته واخترته لما كنت امر بظروووف صعبه



لكن الزواج والله نعمه ولله الحمد الله يخليلي زوجي ويتم عليه الصحه والعافية






الــــــــــــــــــــــــــــــــــــــــمهم





بنات انا عانيت معاناه مايعلم فيها الا اللي خلقني




من بداية زواجي لحد سنة من زواجي كنت في مشاكل كثيرة مع زوجي تطورت أنه مد يده عليه كم مرة


وشك فيه



و و و و و .............



أكيد مستغربين كيف تحملتي هالمعاناة مع ان عندي أهل ولله الحمد مو مقصرين معي بشئ





بس على الرغم من هذا كنت متمسكة بحياتي وبزوجي وببيتي




ماكنت أبغى أخسره لانه انسان طيب وكريم وحنون


بس لحظات يتحول انسان ثاني


تعبت معاه بشكل مو طبيعي




صرت اوسوس نفسيتي تعبت حالتي بالحظيظ يووووووووووووووه خلوها على الله



كنت دايم أسأل نفسي وش اللي مصبرني عليه ... بس ما ألقى جواب لسؤالي




صبرت والله ماضيع صبري




صارت أمور كثيرة مختصرها أنه راح لمستشفى النفسية


بعد ماضغطنا عليه ووصل مرحلة متقدمة من التعب




وشخصوا مرضه بأنه (أضطراب وجداني ثنائي القطب)





طبعا بعد ماعرفت خفت عليه وبكيت وتمسكت فيه زيادة




كنت اقول ....هذا ابتلاء من الله وماأضمن نفسي اني بجلس بعافيتي


وماأبغى اكون انا والزمن ضده


وبصراحة الناس في هالزمن صارت نفوسهم ضيقة ومايتحملون ضوائق الدنيا وصارت العيادات النفسية مليانه .. الله يشافي مرضى المسلمين

الخلاصة ....... الحمدلله الحين صار انسان طبيعي جدآ بعد ما تعالج

بالرغم من الاثار الجانبية للعلاج في بدايته




بس تمسكه في اني ابقى معاه ومااتركه اعطاه دافع للعلاج لله الحمد



طبعآ الحبوب لازم يستمر في استخدامها ومايتركها وكل فترة تخف الجرعة




بس مايهم اهم شئ ان زوجي يتعافى وتطلع شخصيته الطيبة الحنونه لي وللناس




واهم شئ انه حتى هو يرتاح من الضغوط والتفكير اللي كان مسبب له مشاكل بحياته وخسر ناس بسبب مرضه اللي كان رافض انه يتعالج منه بالرغم من سوء وضعه


هذي قصتي ومعاناتي

..............................................................





دعوة لكل من مرة بنفس التجربة واتعرف أحد عنده نفس الوضع تطرح تجربتها علشان نستفيد


لاني مالقيت مواضيع بعالم حواء تتكلم عن المرضى النفسيين اللي عايشين الوضع الطبيعي باستخدام حبوب نفسية




دعواتكم لي ولزوجي بالعافية وبالذرية الصالحة