من ساعة ما اتصلت على اخت زوجي والدنيا قفلت بوجهي .ساعدوني

ياختي كلمي مفسر احلام افضل لان المكتوب يكون غير عن اللي بالحلم وحلمك في رموز كثيره ممكن معناها شي ثاني ويمكن الحلم يكون لاخت زوجك مو لك وانتي بس رمز بالحلم ولاتشيلين هم كثير فتحت القلب تتسكر ان شاء الله وانتي دايم ادعي اللهم اني استودعك مافي بطني واجعله كامل الخلق والخلقه من غير زياده او نقصان ❤❤

حسبي الله عليها
وش تفسر وماتفسر
مايجوووووز حرام تفسرون على الشين
راحت تدور ان الاشقر مرض
الله يهديكم بس ياخوات اللي تبي تفسر تاوله للزين مو تدور وتبحث الا به شين

وانتي تصدقين حلم
وتصدقين تفسير من النت الننننننننت
النت كله خرابيط وناس مريضه تنزل تفاسير من مقفاها والحاريم فيه منهن الصغار العقول تنقز للنت عشان حلم لا قام ولا قعد تدور الشين

لاصدقين الحلم
انا حلمت يوم كنت حامل ببنتي انه مخش بطني وانا حامل زاوية طاوله يوم رفعت بلوزتي لقيت فيه نقطة موية بسري رحت ونشفتها بالبلوزه تجي تطلع ثانيه ونشفها بالبلوزه وتزيد الماء ونهبل واقعد اصرخ واصييييييح وروح لامي وتكش امي بوجهها يوم شفت امي كش وجهها قعدت اصررررخ واصيح واقول يمه ابيييييه ابييييه قمت وانا اقول ياررررررب يااارب يوم فتحت الا حلم قمت اصيييييح ومسك بطني وشربت ماء ورجعت انام عشان انسى الحلم
قمت من بكرا مرتاحه واضحك على نفسي
والحمدلله جبت بنتي باخر يوم بالتاسع بصحه وبسلامه طبيعي ولا طولت بفضله عزوجل
مارحت افسر احلام واضغاث وحديث نفس عشان تزيد همومي توكلت على الله وقلت ربي حامي من في بطني ولا قلت لاحد عن حلمي ذااااا جنس مخلوق الا زوجي كان عندي يوم احلم وسمعني وانا بالنوم اردد يارب يارب وفتحت عيوني وانا اقول يارب وشفت انه حلم قعدت اصيح وهداني وقال حلم حلم تعوذي من بليس ولا يدري تفاصيل الحلم ولا قلتله
ولا قلت لاحد الا يوم ولدت بنتي انه احلام الحامل خرابيط حتى احلام اللي حولك بعد خرابيط ومن الشيطان وحديث نفس

قريبتي حلمت بخاتم شرقي حق العجايز اللي تكون العين فيروز كبيره وبذهب اصفر
قالولها هذي وحده من اقاربك حامل بولد يقصدوني انا لانه مافيه احد حامل غيري عندهم
لكن جبت بنت

لذا ياخوات مو كل ماصار حلم رحتوا تناقزون النت وتفسرونه

خالتي شافت ان امي جابت ولد ابيض وشعره ابيض وكثير وامي حامل
جابت امي اختي القعده سمراء سمار الهنديات وشعرها اسود وكثير ولا هو ناعم هههههههه بالثانوي الحين مافيها الا كل خير وتحب الكواريا ههههههههه

يا سلاااام كلامكم يريح القلب ربي يريح قلبكم

التعلق بالاحلام مثل طريقتك يااختي

لدرجة تحسيبن بخوف ووتصدقينها من علامات ضعف الايمان
وقلة التوكل على الله الحي القيوم


انسي هالحلم نهائيآآ وتوكلي على ربك بس واستمتعي بحملك

تـوني مولده وحلمت ان عندي بنت شعرها اصفر والحمدلله جبت بنت معافاه وتمام العافيه من الشيطان والمفروض ماتتفاولين على جنينك بسؤ اخرجي صدقه