من سبق لها الطلاق وتزوجت مرة ثانية؟

ياليت الأخوات يجاوبون الأخت بلسم فقط .

كيفك يابلسم ما اخبارك ؟؟؟

طمنينا عنك

معليش اقول لك تجربة اختي ؟

اختي تزوجت واحد والظاهر انه ما حبها .. بعد شهر من الزواج سافر بعثه للدراسه وبالرغم من ان اختي كانت متخرجه ولا عندها اي شي يشغلها الا انه رفض ياخذها معه وقال بعد 6 شهور اجي وآخذها معي للدراسه ( طبعا استغربنا كيف عريس جديد ويرفض ياخذ زوجته مع انها مجهزه نفسها واوراقها كلها جاهزه ) طول فترة السته شهور ما كان يكلمها الا مره بالشهر مكالمه مختصره وما فيها اي لهفه ( هي طبعا حست بهالشي ) وبعد ما انتهت السته شهور رجع لبيت اهله ونام فيه ومن بكرى اتصل فيها وقال لها انتي بنت حلال وتستاهلين كل خير وبتلقين احسن مني وارسل لها ورقة طلاقها بعد فتره وبدون سبب

هي بكت بكاء الله يجعله تكفير وحست انها ما راح تتزوج ابد

وبعد سنه تقريبا انخطبت

والحين هي متزوجه من واحد يمووووووووت فيها الله يهنيهم ومبسوطه معه
وعندها بنتين وحامل بالولد الله يهون عليها

هذي موضوعها بسيط اللي تطلقت وتزوجت بعد كذا لأنها ماعندها عيال ومازالت صغيره --- يعني انشالله موضوع عادي -- لكن مين تعرف مطلقه وعندها عيال وتزوجت بعد كذا ؟؟
بعدين سؤال الاخت اللي كاتبه الموضوع كان استفسار الظاهر عن وحده اتطلقت واتزوجت بعد كذا في نفس المنتدى وتبغاها ترد عليها --- الظاهر عندها اسئله غير هذا السؤال

السلام عليكم ورحمة الله
عذرا اخواتي لم الحظ مشاركاتكم

ام مسلم
جزاك الله خيرا لسؤالك
انا احاول ان استمر في زواجي--بس اذا اصر زوجي على استحالة التفاهم بيننا--فبيس لي الا ان استسلم لأمر الطلاق
ام فايز--الله يبشرك بالخير ويسعد اختك

ام بسمه
لا والله انا لا اقصد وحدة معينة في المنتدى
انا فقط اريد ان اتفائل000