الله يهديك

قولي لااله الا الله
لينحرق بهم البيت
اعوذ بالله من عين لاتذكر الله
اقسم بالله شي مو طبيعي هم رزقهم الله انت وششش دخلك؟!!
زوجك هو اللي اشتراها!
وزوجك كمان مابيده حيلة على قد حالة وكمااان تحاسبينه!!!
سبحاااانه اللي مصبره عليك
ارضي بظروف زوجك واتركي عنك مراقبة الناس يابنت الحلال

راضيه بوضعك والا ارجعي لاهلك يابنت العز
اذا بيتهم يفشل ليه م تعرفينهم من ايام الخطوبه
بعدين اقولك احمدي ربك مليوووووووووووووووووووووون مرا ومليونين والف مليون عندك بيت يضفك انتي وعيالك وزوجك نضفي بيتك وتوضفي وساعدي زوجك الناس متمرطه بالايجارات والا غرفه وحمام ببيت اهله عندك شقه بروحك ذي نعمه وكلن ع حسب ضروفه ناضري للناس اللي اقل منك لا تشوفين فوق تنكسر رقبتش
وسلفتك الله يهنيهم يارب تلقينهم مساكين هامين ذي القروض الحين عشان البيت وانتي حاسدتهم
والله اعرف ناس بيوتهم سيئه جداااااااااااااااااااااااااااااااااااااااااااا ونفوسهم راقيه ويتمنون الخير للكل وفي النهايه بيوت دنيا

طيب موظفه وشرت بيت أنتي توظفي وإتعبي ع نفسك وإشريها أنتي وزوجك لاتفكرين فيهم تمني الخير للناس يصلح ربي حالك دائم اللي بتعيش سعيده ترضى بما كتبه الله لها وتتعب ع نفسه مو كل شي ع راس الرجال والله لو إنه وزير

لاحول ولاقوة الا بالله وش فيك الله يعينك ويهديك وش ذالكلام شي عجيب صراحه اذكري الله اختي قولي ماشاءالله تبارك الله الله يباركلهم فبيتهم ويزيدهم من فضله ولا يغير عليهم يارب .. وادعي لنفسك بالخير والبركه وان الله يرزقك من فضله ..
وش بيصير لك لاقلتي هالكلمتين وش بتضررك فيه الشيطان ماسك لسانك مو مخليك تذكرين ربك وتدعين لهم بالبركه ... والله مايجوز الحسد اللي فيك نظفي قلبك وبتمشي حياتك .. وش عليك منهم ..
اول شي..
ليه هم شارين البيت من فلووسك او ماخذين حلالك يوم انك منقهره وحايسه عمرك ع الفاضي ..
ثاني شي ..
هو زوجك اللي متزوج عليك وشاريلها بيت وانتي حاطك بشقه .. لو انه زووجك صح اقول ماتنلام ليش مايعدل وووو الخ بس لا مو زوجك يعني وش دخلك فيه هو رجال ومتزوج وعنده زوجه وانتي عنددك زووجك .. وش اللي قاهرك وفاقع مرارتك مخاشرتهم كانو زوجك فكري بعقل وقولي انا وش دخلني فيهم يوم محرقه نفسي كلن له حياته وكلن له نصيبه ..
ثالث شي ..
زوووجك واهله وش ذنبهم تدعين عليهم هذا جزات زوجك اللي مخليك على ذمته للحين ولامك انتي وبنتك وحاطك بشقه لحالك مو بغرفه مع اهله وتدعين عليه هذا زوووجك ماظلمك واعتدى عليك يوم تدعين عليه مايجوووز والفقر على قولتك اللي عايشه فيه كلنا الله يعين نصبر انا ياختي زوجي عليه ديوون والله مايبقى من راتبه الا 1000 ومرات اقل وشقتنا ايجار وعندي طفلين واثاثي من زواجي ماغيرته ولي 4 سنوات ع هالحال بسبب الديوون والله العظييييم اني احمد ربي على نعته وخيره عايشه حياتي مبسووطه ومرتاحه وعلاقتي مع زوجي واهله اكثر من حلووه ربي لايغير علي وماحطيت عيني علي شي غير حياتي وان شاءالله ربي يرزقنا ويقضي ديننا وماحسيت انو فيه نقص قاعدين نمشي حياتنا مع ان زوجي راتبه يعتبر عالي لكن كله يرووح على الديوون .
واهله ماجتك مضرره منهم ليش مقاطعتهم وحاسدتهم وكل هالكرره وبيتهم يفشل وماانزل وووو و ليه ياقلبي كل هالكره اللي بقلبك ...
رابع شي .. نظفي قلبك وكثري من الذكر والاستغفار وادعي ربك ان الله ينقي ويطهر قلبك ويشفيك لان الحسد مررض وتعوذي من الشيطان وكثري صلاه وتسبيح صدقيني بتتغير حياتك ونفسيتك وبينشرح صدرك والله الحسد ياكل جسمك وقلبك ومايخليك تستانسين بحياتك وبيخلي تفكريك مشتغل على هالناس وبتاكلين فنفسك ... وبعدين لمتى ترا حنا ماراح نعيش بهالدنيا الا مرره وحده يحق لنا ننبسط ونستانس فيها فيما يرضي ربي وبالاخير بنمووووووت ووبس وما بناخذ معنا غير عملنا الصالح وش بتنفعك الفلووس والبيت لاصرتي بالقبر كلنا بنموووت ولا ريال راح ناخذ معنا بنطلع من هالدنيا بقماش ابيض وكلن وعمله عسى الله يرحمنا برحمته ... والله العظيم ان الدنيا ماتسوى نركض وراها وحنا نهايتنا الموت والرااحه الحقيقيه مو بالدنيا الراحه بالجنه اكبر نجاة واكبر راحه واكبر سعاده اذا انجاك ربي من النار وادخلك الجنه
بالله عليك الفلوس والبيوت بتريحك بالاخره ولا عملك الصالح وقلبك النظيف اللي بيرحك بالاخره .. حسن الخلق اعلى مرتبه بالجنه لما تكون اخلاقك حسنه...


ربي يريح بالك ويبعد عنك هالتفكير ويصلح حياتك والله يرحمنا يارب ويغفر لنا ويحسن اعمالنا ...