ههههههههههه ذكرتوني ايام المدرسه والوالده ملاحق فينا عشان تحطه لنا

لكن راح اقولكم معلومه انتم غافلين عنها ؟؟؟



ما استغربتوا كل وحده كانت متروسه قمل وتحط قاز شعرها حلو وطويل ؟


المعلومه ( لانها تهرش شعرها دايما وتحكه وهذي الحركه تحرك الدم بفروة الراس وتجدد

نمو الشعر وتغذيه بالدم المتحرك )


فيا عسولات الســـــــــــــــــر مو بالقاز ولا بالزيوت ولا بالخلطات

الســــــــــــــــــر انج كل ما حطيتي قاز او زيت تلقائيا لازم تعملي مساج عشان يتغلغل

الزيت داخل وهكذا حركتي فروة الراس الخامله




الله يعطيكم الشعر الجميل قولوا آمين

حبيبتي دخلت انصحج لان جدا مضر و يسبب و العياذ بالله امراض الكل يتجنبها,
تخيلي القاز من النفط, و الادخنه الي منه من غير شي تسبب سرطانات,
فما بالج لما تمتصه فروة راسج,
وانا نصحت منه من قبل, اتوقع في اخت مصريه كتبت عنه قبل,
ايام يداتنا ماكانو يعرفون والله حفظهم,
الحين خلاص الحمدلله رب العالمين الكل متعلم و فاهم و ماله عذر الي يسوي شي بدون مايسأل و يبحث,
و ترى ماله اي فايده غذائيه اكيد,
واللمعه و الثقل اتوقع راح تقول نفس مفعول السيروم (السيليكون)
واللي ودها تغرق شعرها سيروم وتخلي مثل الزيت :p جد و الله
بنات خافوا على روحكم امانه, تخيلوا يدخل بمجرى الدم! للاعضاء!!
اعوذ بالله مجرد اتخيل احس بدوخه, تكرمون لو حطيتي حنه على جسمج و عرقتي و انتي لافتها تكرمون تطلع مع البول فما بالج فروة الراس!!!!!!!
ادري طولت بس من خوفي عليكم

ا نا جربت الجاز على شعري والله حسية بنعومة بس ما واصلت مرة او مرتين
وتركته خفت يكون له مضعفات مستقبلية على الشعر

على ما أعتقد , اللي يحط الغاز و يقول إن شعره صار ناعم, هو لأن الشعره تنسحب, وتحرق الشعر شوي شوي , لين الشعره تصير ضعيفه, من جذيه على بالهم نعم...والله أعلم...

وبعدين سمعت إن كثرة إستعماله يسبب العمى بعيد الشر عنه و عنكم...

والسلام...

,والله ما ناصح فيه
لان القاز حااااااااااااااااار
نصيحه مني
لاتستخدمينه في اشياء ثانيه احسن منه
لا تغامرين
تحياتي