من سن سنة حسنة فله اجرها واجر من عمل بها .... تعالي علمينا عادة حسنة فيك وخذي اجر

صباح الخير ..


"انثروا القمح على رؤوس الجبال؛ لكي لا يقال جاع طير في بلاد المسلمين"
في تركيا عادة إسلامية قديمة لا زال يعمل بها لليوم حيث يقوم الناس بالصعود للجبال بعد هطول الثلوج لفترة طويلة ونثر القمح عليها حتى لا تموت الطيور البريه من الجوع
وأول من طالب أهالي تلك المناطق بهذا الفعل هو الخليفة "عمر بن عبد العزيز" قال العبارة التي في فوق


يمكن هذي ما تكون معلومة جديدة على بعضكم بس الي ابيكم تتفكرون فيه ان هذا الشخص توفي ولا زال يحصد الاجر ليومك مشالله عليه
الحين خل نحاول ننتعلم من بعض عادة كويس نعمل بها ونعلمها غيرنا وناخذ اجرنا واجرهم


في وحدة سيدة اعمال سودانية مكافحة لها قصة طويلة المهم اسمها عوضية ست السمك تقول لما كنا صغار كانت امنا الله يرحمها تمنعنا انا نطلب من الخدم اي شي اطلاقاً مهما كان مهم وقت الظهيرة وتشوف انه وقت راحتهم و شحن طاقتهم فسبحان الله سيدة اميه وغير متعلمة تكون اكثر رحمة وفهم من كثيرين فعلا حتى خدم البيوت المفروض لهم ساعات بريك محدي يطلب منهم شي يخليهم يريحون


والحين خل نبداء ببعض عادتي المتواضعه وهي عادة قريتها في واحد من المواضيع نسيت فين بس الله يجزاء صاحبته كل خير
وهو اني كل مرة اطلع من بيتي الصباح للدوام احط بجيبي او بشنطتي ريال او حلاوه الي اقدر علية وانوي اني بعطيها للمسكين او الزبال الي بقابلة بالطريق وذلك لان الله يحاسب على النيات فان لقيته بركة و ان ما لقيته فرزق ما كتب له وبكذا ادخل تحت دعوة الملائكة الي تدعي كل صباح اللهم اعطي منفقاً خلفا
الشي الثاني اني دايم اسمع ببركة البقرة بس احس انها طويلة وما عندي وقت ومن ذا الحكي الين قريت وحدة تقول حمليها على جوالك مكتوبة وفي الطريق الصباح للدوام اقريها بالسيارة و اقريها بوقت الانتظار بدل ما انتي مضيعه وقت على اشياء ماتنفع وسبحان الله تسهلت وصرت اقراها كل يوم بشكل بسيط وعفوي
العادةالثالثة انوي كل يوم انك تساعدين لك احد حتى لو ماقدرتي ممكن تساعدين انسانه بكلمة او ابتسامة او رد على موضوعها يجبر خاطرها او بدعوة او باماطاة اذى عن الطريق او بنشر عادة حسنة حتى لو بسيطة او بترجمة ايه من القران ونشرها
العادة الرابعة حمل ضبطة المنبه قبل المغرب بنص ساعة يدق ينبهني ان باقي على الغروب شوي لان هذا الوقت فيه سررر عظيم للحين ما سوو دراسات كافية عليه وهو وقت الغروب وفي ايه تقول بما معناه سبح باسم ربك قبل طلوع الشمس وقبل الغروب فاذا احنا مالحقنا على الفجر او استصعبنها فنقدر نلحق على المغرب بكل بساطة و هو من اوقات التسبيح الي ما تاخذ منك دقيقة
العادة الخامسة الي للحين ما سويتها بس ****لله اني بابداء اسويها هي اني ما اكوم الكتب بالمكتبة خاصة الي قريتها وانتهيت منها واني اخليها سبيل وزكاة العلم تعليمة فبس اخلص منها راح اوزعها على استراحات الانتظار بالمستشفيات او المستوصفات او في اماكن مناسبة ( اقترحو علي اذا عندكم فكرة احسن)
اتمنى افدت احد بها الشي واتمنى اتعلم اكثر منكم حتى لو اشياء بسيطة


والله يابنات ساعات اسوي بحث بقوقل تطلع لي مواضيع من ثلاث اربع سنين للحين الناس يقرونها فان كانت خير فحظ صاحبها لانه اجر يمشي له وهو ناسيه وما تعب عليه وان كان موضوع فيه شي ما يرضي الله فقاعد يحمل وزره للحين