من سن كم تبدأون تعلمون البنات الصغار عـ الكروشيه ؟؟

الســـلام عليكم

كيفكمـــ :35:

اشتقت كثيــر للقسم ولمبدعات وفنانات ومتألقات القسم

غبت يمكن سنتين واظن اني راجعه دحين مره ثانيه

اقدر اقول لنفسي عودا حميدا ( اتمنى )


يؤسفني اني ارجع من غير هديه ولو شئ بسيطـ ... معليش سامحوني كنت بعيده تماما عن الكروشيه


امممممم ابغى اسئلكم عن السن المناسب لتعليم البنات الصغار الكروشيه

حاليا قاعده ادرس بنت جارتنا ومستمتعه بتعليمها لاني قرأت حديث للرسول صلى الله عليه وسلم :

« إِنَّ اللَّهَ وَمَلاَئِكَتَهُ وَأَهْلَ السَّمَوَاتِ وَالأَرْضِ حَتَّى النَّمْلَةَ فِى جُحْرِهَا وَحَتَّى الْحُوتَ لَيُصَلُّونَ عَلَى مُعَلِّمِ النَّاسِ الْخَيْرَ »


احاول اعلمها كل شئ مو بس ادرسها المواد .. سبحان الله تجربه ممتعه خصوصا ان البنت وحيده امها :44:

ودحين خلصت الترم وبدأت اجازتها عندهم فتره طويله تقريبا 3 اسابيع


قلت ابغى اسويلها برنامج في الاجازه اول شئ حعلمها ان شاء الله انجليزي وثاني شئ اعلمها كروشيه ..

اصبحت عندي قناعه تامه باهميه تعليم الاشغال اليدويه للبنات ...

بدأت معاها بالكروشيه . اخذت شوي وقت (في جلسه وحده على بال ماعرفت تسوي العقده ) يعنى دقائق مو اكثر

وانتقلت بعدها لغرزه الحشو ... كل شئ تمام الا انها ماعرفت تسحب الخيط من العقده !!

وتوقفت لين هنا ....

البنت اناملها ماشاء الله حلووه طويله مو كأنها ايادي بنت صغيره بس مادري ليش ماعرفت تسحب الخيط


ثاني شئ بنت اخويا علمتها ع الكروشيه وهي تقريبا في ثالث ابتدائي وعرفت تسوي اشياء بسيطه منه زي بيز

مقلميه صغيره دبدووب صغير ..يعنى مو شغل متقن بس انه يمشى الحال


دحين انتو ايش رايكم ؟ بدري عليها ولاسنها مناسب ؟ مع العلم انهم ياخذون الكروشيه في المدرسه في المتوسط ع ماظن


وانتو من سن كم تعلمون بناتكم واخواتكم ع الكروشيه وكيف مستواى اتقانهم له !


بانتظاركم :27: