بائعة المسك @bayaa_almsk

كبيرة محررات

من شافت انها تنخطب او تتزوج بالحلم ... من شافت زوجها يتزوج عليها بالحلم .. وهي حامل

السلام عليكم ورحمة الله وبركاته

بنات ابدخل بالموضوع هو فقط سواليف يعني موووو اكيد تجي وحده تحاول تسويها وتقعد تعصر معها بالحلم عشان غصب تحلم بكذا :42:

لكن انا حبيت اسأل البنات اللي شافوا احلام زي كذا طبعاااااااا من الحواااااامل مدري عن اللي قبل مايحملون شافوا شيء ولا لا بس كل وحده سمعت انها يوم حملت شافت نفس الحلم

امس كنت عند صديقتي ازورها نفاس ونتكلم بالاحلام وش شافت بحلمها

انا قلت لها اني مرتين احلم ان ابوي يزوجني رجال غير رجلي وانا بالحلم اكون معصبه واجلس اهوش الرجال اللي بالحلم واقوله ماراح اتزوج انا متزوجه وحامل وابوي وامي وخواتي عاااادييين قابلين يزوجوني وانا بالحلم مستغربه كيف انا متزوجه ... بالحقيقه انا حامل بالشهر الثاني والثالث شفت هالحلمين مرتين
الصراحه تنكدت من الحلم مدري خفت منه مااااجاااء على بالي انه يخص الحمل
ولا جبت طاري لزوجي عنه ... سألت خواتي كلهم ضحكوا وقالوا لي انتي حامل (بولد) قلت من يقوله قالوا اللي تشوف انها تتزوج بالحلم وهي حامل الله راح يرزقها ولد
(للعلم انا ماااعمري شفت نفسي اتزوج او انخطب او هذا زوجي بالحلم بدا ابد ابد حتى الاحلام حاقده علي ههههههه) لكن مررره حلمت ان هذا الشخص زوجي وستغربت من هالحلم ويوم صار الشهر اللي بعد هالحلم صدق خطبني زوجي بنفس المواصفات اللي بحلم << هذا الحلم الوحيييييد بحياتي اللي شفت نفسي انخبط وتزوج

لكن بعد الزوااااج اشوف حلم زي كذا شيء يخررررررررع لاني صار الشيطان يوسوس فيني باشياء تخوف ..

مااااااااحطيت هالخربيط برااااسي نهااااااائياً اصلاً انا ماهمني ولد وبنت .. مع انه ميولي اول بكر لي تكون بنت تساعدني على خواتها واخوانها ... لكن ابي طفل ووووبس بنت ولد اهم شيء يجيني طفل احس فيه ولمسه وشم ريحته مااااكشفت السونار الا بالخامس يوم شافته الدكتوره قالت 85% ولد لكن لاتخبرين احد لان الحبل السري بين الرجول قلت لها مو مهم المهم اني شفته يتحرك وبخير تسألني تقولي ليش تضحكين قلت كل شيء شفته يقول انه ولد ( اقصد الاحلام ) مع اني مو مصدقتهم ابد
لكن للعلم يابنات مااااشفت حلم اني اجيب ولد ابد ابد ابد مره حلمت اني شايله بنوووته تشبه ابوها وتهبل قلت اجل بنت ...

وخبرت صديقتي بحلمي ... قالت لي هي حلمها انه كثثثثثثثير تشوف زوجها يتزوج عليها ودايم اتخانق معه بالحلم ودايم بالحلم تتزاعل .... ومااشوف باحلامي الايتزوج علي
وجابت بنت ( يسمون البنت جارت امها ) هي قالتها كذا ماتدري ان تفسيره انها راح تجيب بنت
قلت لها ايه تفسيره انك راح تجيبين بنت وهذاها معك الحين .. قالت من قاله قلت لها اختي صار لها زيك
اختي بحملها ببنتها الاخيره كثثثثثثثثير تشوف زوجها يتزوج عليها ودايم تقولنا ومتضايقه حتى حنا ماندري وش جنس اللي ببطنها لانها شكت ان زوجها راح يتزوج عليها بسبب اهله امه واخواته حاقدين عليها عشان كذا مافكرت اختي ان هالحلم يعني انها راح تجيب بنت
وصدق جابت بنوووووته تهههههههبل ياااارب تخليها لها ... وللعلم ( الابو اخذت عقله هالبنت) مع انه لها قبلها ولد وبنت بس تقول اختي انه مااااايحب الا هي ومايلعب الا هي واذا ناموا الولد والبنت الكبار قالها جيبي الصغيره يتحراء متى ينامون عشان يقعد يبوس ويلعب وضم الصغيره
تقول طااااير فيها اكثر منهم كلهم ( البنت جارت امها)

لذا يابنات من شافت زي هالاحلام وصدق معها

يجون الحين يقولون خراااااااافات تراهااااااا سواليييييييف بس لاتتعلقون فيه انا ماتعلقت الا يوم شفت بالسونار لكن الصراحه اقول يمكن بالتاسع يقولون لي بنت وووووونااااااسه بس اخاف يزعل اللي بببطني

ساااامحني علوووشي والله امزح ههههههههههه <<<< امحق دلع ياليت القاء دلع لعلي :(

محدثتكم ام علي :42:

343K

هذا الموضوع مغلق.

صبح الرشاش • 14 سنة

أنا حلمت وانا حامل
إني أنخطبت لولد عمي
وأنا أقولهم كيف أتزوجه
وأنا متزوجه وكنت خايفه مره
وجبت بنوته
يمكن يصدق مع ناس
ويمكن تفسيره إني أجيب ولد
بس موشرط هالمره
يمكن المرات الجايه
الله يحقق لك اللي تتمنينه

هلي دموعك ياعيوني • 14 سنة

بحملي هذا حلمت مرتين اني تزوجت غير زوجي

مره تزوجت اخوه .. ومره تزوجت زوج صديقتي ..

وللحين ماولدت الله يسهل علي يارب ..

بائعة المسك • 14 سنة

صبح الرشاش

عشاااااااان كذا اقووول لاتتعلقووون بالاحلام ... حبيت ابين لبعض الحوامل اللي تشوف زوجها يتزوج بالحلم وتجلس زي اختي وصديقتي متضايقاتتت طول فترة الحمل طلع تفسيره كذا

بس للعلم انتي الرجااال الاثنين اللي شفتهم بالحلم ماااااعرفهم واول مره اشوفهم يعني غير معروفني مجهولين
لكن انتي معروف اللي اللي شفتيه بالحلم عشان كذا ماصدق معك

والعلم عند الله

لاني انا سمعت شيء على قناة MBC اتصل عليه واحد يقوله حلمه
قال انه شاف بالحلم زوجته تغرق في بير واني جيت وسحبتها مع يدها ويوم طلعتها طلع معي رجال مو زوجتي
ضحك الشيخ وقال زوجتك راح تحمل وراج تجيب لك ولد .. البير هو رحم زوجتك والرجال هو ولدك

بائعة المسك • 14 سنة

هلي دموعك ياعيوني

حياااااااك الله يالغاليه ... زي ماقلت لااخت صبح الرشاش

الله يرززززق ياقادر ياكريم باللي تتمنينه ... والله يسهل ولادتك ياااارب ياكريم

ام تركي 2030 • 14 سنة

طيب يابنات اسمعوا سالفتي

الشهر اللي فات حلمت اني تزوجت مرتين

مره واحد اعرفه ومره واحد ماعرفه

ومتضايقه مره من اهلي يوم وافقوا وانا ابي زوجي مابيهم يزوجوني غيره

واللحين الدوره متاخره 15 يوم

ونزل علي بعد ماتطهرت من الدوره باسبوعين نقطة دم فقط

وعندي جميع اعراض الحمل

لكن حللت قبل اسبوعين دم ومافيه حمل

وحللت بالشرائح المنزليه ويظهر الخط الثاني بعد ساعات

انا محتاره مررره

خصوصا الم الصدر عندي مو طبيعي

يارب يطلع حمل وارتاح من مواعيد المستشفى

دعواتكم لي

اللهم لك الحمد

يازين الجوو في الخبر مطر روعه << شطحت عن الموضوع هههههههه