من شان الله ،،،اهل زوجي بدخلوا بكل شي

كيف الجميع،،،
طبعا الظلم هاد من ناس قريبين مني من اهل زوجي،،،اولا اهل زوجي بدخلوا فيي بطريقة كلامي بلبسي بوقفتي بتسريحة شعري بطريقة اطعامي ل ابني شو احكي شو ما احكي ،،قلت معلش انا متغربة عنهم الله بعيني ،،،بس الادهى شوفوا
بصراحة حالتي النفسية تعبانة عالاخر،،،بالله عليكم راح احكيلكم قصتي ويشهد ربي ما بكزب بحرف
انا متغربة من بلدي هون بالرياض يعني ما بشوف اهلي الا كل سنة مرة وحدة ،،،
طيب قبل سنة ولدت هون وضحيت بأمي واجت حماتي عندي (حماتي ،،ام زوجي يعني )) بالرغم انه الكل عارف قديه بتكون الوحدة بحاجة امها ،،،قلت معلش لعيون زوجي وكونه اول حفيد عندهم واجت وقعدت شهر ولم تخلو جلستها من المشاكل بالرغم كنت نفسا،،،طيب نزلنا عالاجازة بعد 6 شهور انا وزوجي سوا ،،على اساس 3 ايام انا بقضيهم عندهم و3 عند اهلي ،،،طبعا كان موافق،،،رحت اول مرة وغبت عنهم ماشي الحال رحت كمان مرة ولا انا بتفاجأ تاني يوم الصبح اجا ياخدني قال علينا مشاوير لازم نقضيها سكتت وما جاوبته قدام اهلي،،،قلت معلش بنفس اليوم تم اصدار قرار على اساس من زوجي انه ممنوع تنامي عند اهلك وانا موجود،،ليهوشو في ،،،طيب انا مو كل يوم عندهم قال خلص هاد قرار طبعا القرار من ابوه وامه ،،،وصارت مشاكل عالموضوع هاد ووصلت للشيطان الرجيم وادخلوا اهلي بس عالفاضي،،،وصرت اروح بس يوم بالاسبوع وما انام شوفوا الظلم،،،
من وقتها قررت اني انزل اجازتي قبله واقضي عند اهلي ولما هو ييجي بروح عندهم،،،طبعا لا تنسوا انه اله اخوان شباب كلهم ولازم ابقى محجبة طول اليوم ،،،وما عندهم مكيف زيادة حر ناقصني لانه،،،
ونسيت اقلكم انه قبل اربع شهور بعت لاهله ييجوا عالرياض عنا امه وابوه ،،،ع اساس شهر قام ما شبعوا من بعض ومدلهم كمان شهر ،،،والله قمت بخدمتهم وربي عالم حتى زوجي جابلي هدية بعدما روحوا لانه انبسط مني ،،،
طيب انا الان حاجزة ببداية الشهر القادم حتى انزل لحالي انا وابني وانا اصلا حامل بتوحم قلت بروح عند امي تساعدني،،،ولما عرفوا امبارح اني نازلة عنداهلي يجن جنونهم وما بعرف شو سمعوا زوجي المسكين حكي طول اليوم وهو مدايق،،،مع العلم زوجي ما بقصر معهم كل شهر ببعتلهم فلوس غير العيديات وجابهم عالرياض بس يا امي شو بدك ،،،وما قدرولو شي،،،زوجي كتير بحب اهله وحنون وطيب معهم بس بصراحة همه مو مقدرين هالشي،،،
وبلشت المشاكل منهم قبل ما انزل وجد خايفة ينسم بدني متل كل اجازة مع العلم عارفين اني راح اقضي باقي الاجازة عندهم لما ييجي زوجي،،،ومن هلأ بلش الشر من عندهم وصرت انا خبيثة ومريضة نفسيا ،،،من شان الله شو اعمل،،،والحلو كمان انه اخوه الاصغر مني بسنة بتأمر ولازم يثكون راضي ازا اروح عند اهلي ولا لا،،،
طيب يا ناس انا ما بشوفهم من السنة للسنة وانتوا جيتوا شفتوا ابنكم وحفيدكم هون بالرياض قبل اربع شهور،،،بحبوا السيطرة ،،،من شان الله شو اعمل والله مدايقة بس بدعي القوة
والله هاي قصتي باختصار من غير كزب ،،،شو اعمل والله ما بدي مشاكل