من صارلها كذا

السلام عليكم
صارلي تقريبا 3ايام على ذا الحاله
افرازات صفراء او بيضاء وفيه نقيطات دم ثم تختفي كم ساعه ثم اذا مسحت بالكلنكس الاحظ شوي افرازات بيضاء مع دم
والحين صارت بيج
وانا في الاسبوع الخامس من الحمل
حملت 3 مرات اول مره افرازات بنية ودم ثم توقف نبضه
وثاني مره حصلي نفس كذا افرازات بيضا مع دم خفيف بس مااستمر كثير بس يوم وراح وجبن بنوته
ثالث حمل كان من اسهل الحملات علي لا افرازات ولا دم ولا شي اكرف واشتغل وكل اموري بالسليم
هذا الحمل مدري كيف مرات اقول انا موسوسه كلها افرازات مع شوي دم بسيط وساعات اقول لا انا حامل المفروض ما اشوف دم وانا حامل المتعارف عليه افرازات بيضا بالحمل اما مع دم حتى لو نقطه خطر
رحت للطبيبه قالت كل شي طبيعي والحين مايبان النبض استني 10 ايام وتعالي قلتلها اصرفيلي ديفستون قالت ماتسوى اصرفلك ديفستون عشان نقطة دم
انا حترت حاسه انه جنين متوقف نموه ما احس بيتم حملي استغفرالله مدري حاسه كذا
لان كللللل اللي مثلي حصلهم ياتوقف نموه ياسقطو قريت قصص بالنت مثلي كلهم توقف النمو او سقطو الله يستر
والله محتاره وتعبت من التفكير