من صارلها كذا وتم حملها؟ خصوصا الي سوت انابيب

السلام عليكم ورحمة الله
ان شاء الله يومكم حلو واموركم طيبه ❤️

بنات الله يسعدكم

انا سويت انابيب وسويت اول فحص للحمل باليوم ١١ من الترجيع صار الهرمون ٣١ وطرنا فرح الحمدلله المهم النتيجه ايجابيه

في اليوم ١٤ صار ٤٦ والمفروض انه اكثر من ضعف المره الي فاتت

لان الهرمون مفروض يتضاعف كل ٤٨ الى ٧٢ ساعه

بعده بيومين صار ٦١

بعده باربع ايام صار ١١٩

ومعاي افراز بني مانقطع الا له يومين (الله يعزكم) واثر دم يروح ويجي بس بعد انقطع له يومين..

الدكتور قال خلاص نوقف تحاليل الدم ونعتمد على الالتراساوند وحددلي التراساوند مهبلي الاثنين القادم يشوفون الكيس والجنين والنبض ويتاكدون..

قالي قدامنا واحد من ثلاث احتمالات
اما حمل سليم وانتي طبيعتك وهرموناتك كذا
اما كيس ويكون فاضي
اما كيس وفيه جنين لكن مافي نبض

ونصحني اوقف تفكير واشغل نفسي وانا مو قااااادرة 💔

مخي قام يعورني من التفكير

ماقدرت افرح ولا ابشر احد ولاشي..قلبي بينقطع ابي اعلم ابوي واخواني

امي داريه وتدعي لي وودي انتم بعد تدعون لي

سؤالي الحين احد صارله كذا وكمل حمله؟
والسؤال الثاني متى يبدا الوحم؟ وهل عادي وحده تحمل ويكون وحمها خفيف بدون استفراغ بس اشبع بسرعه واكره انواع معينة من الاكل واشتهي اشياء معينه ولا هذا مو وحم؟

علموني بنات ساعدوا معنوياتي ترتفع وادعولي ❤️