جربي مكياج ماك مع بودرته ستوديو فكس خيال مره وماراح تندمين انتي شكلك تاخذي مكياج فاتح على وردي عشان كذا تقلب رمادي اتوقع هذا السبب واتمنى الخبيرات في المكياج يفيدونك اكثر

يا بنات انا بعد اعاني من نفس المشكله يا ليت لو خبيرة مكياج تفيدنا

انا بعد نفس الشي لكن انا المشكله ادهى و امر يطلع لي خطوط تجاعيد تقولين عجوز......:icon33:

احط مرطب مااااااااا فيه فاييييد جفاف صحراء الربع الخالي و الاكزيما شيبت فيني قبل الشيب
حتى مره حطت لي ماكييره مكياج استغربت و بققت عيونها مستغررربه.....قالت ليش بعد 5 دقايق تغير كريم الاساس على وجهك !!!!!!!!!

يا بناااات اللي عندها لي انا بعد حل تفيدني جربت اغلى الماركات و لا فيه فايده :44:

اذا بشرتك مو جاهزة ولا مهيئة للفاونديشن حتى لو كان لونه مناسب للون بشرتك ماراح يضبط ابدا
نصيحة صغيرة راح تفيدك كثير مع انها بسيطة بس لها تأثير ممتاز لو داومتي عليها
اول شي اشربي مويه كثير كثير كثير ترى اللي ماتشرب مويه كفاية بشرتها تكون تعيسة بمعنى الكلمة وشاحبة وكأن صاحبتها عندها فقر دم
قبل ماتحطين الفاونديشن خذي شوي سُكر وسوي فيه صنفرة لبشرتك
بلليها بالمويه وخذي السكر في يدك و حطيه على وجهك وافركي بنعومة بحركة دائرية وركزي على الجبين و زوايا الانف والفم والذقن
بهذي الطريقة راح تشيلين البشرة الميتة اللي تشوه الميك اب وتخليه مخطط والبشرة فيها قشور
بعدين حطي على بشرتك زبادي لحاله او مع عسل عشر دقايق او ربع ساعة
غسليه بمويه فاترة وجففيه بالطبطبة واتركيه شوي بعدين حطي كريم مرطب وبعد خمس دقايق حطي الفاونديشن واكيد ضروري يكون لونه مناسب لانه اذا كان فاتح زيادة عن لونك مثل ماقالوا البنات راح يضرب على رمادي
لاتعتمدين على البياعين انهم يعطونك اللون اللي يناسبك بعضهم يتفلسفون على الفاضي
احلى طريقة خذي لك علب صغيرة فاضية بشنطتك و اذا وصلتي للمحل حطي من العينات كل لون بعلبه
وروحي جربيها بحمامات السوق تحت اضاءة قوية حطي على جبينك ولاتفركينه كثير يعني يادوب تحطين باصبعك شوي كطبقة رقيقة عشان تعرفين اذا اللون مناسب والا لا
بعد دقايق بشرتك راح تشربه شوفي اللون اذا واضح انك حاطة فاونديشن ومبين فاتح معناته اللون غير مناسب وتحتاجين لون اغمق
جربي كذا لون جنب بعض على جبينك وراح تلاقين من بينهم لون مناسب اكيد .. اهم شي يكون لون قريب من لونك لاتقولين بيسمرني و مو باين اني حاطة شي لان هذا المطلوب انه يخلي بشرتك حلوة ومو مبين انك حاطة شي
والبودر يكون افتح بدرجة لاتاخذينها فاتحة كثير واذا احترتي في اللون حاولي تاخذينها مايلة للأصفر تقريبا هذا اللون اللي يعطي اطلالة حلوة للبشرة السمراء او القمحية

صباحك ورد

يسلمووووووو يابنات على هالنصايح واكيد باانفذ كل شي قلتوه لان من جد طفشني لوني مع الاساس يالبى قلوبكم والله