أختي نصيحه لوجه الله مثل ماقالوا البنات الزواج مافيه كبرياء وأنا ماأكتشفت هالشي ألا بعد سبع سنوات زواج وكنت مثلك ذابحني الكبرياء والكرامه أذا زعلت أول كان يراضيني وبعدين مل مني وصار يتركني ألين أرضى من نفسي فصرت أتحاشى هالمواقف وأسخر الأشياء الي ماترضيني لصالحي مثلا لوسافر وماوداني ماأزعل وأقوله أكيد راح تجيب لي هديه عشان كذا جب لي الشي الفلاني هديه لي ولوزعلت لا حصلت سفر ولا هديه ولا راحة بال
ماأدري أن كان كلامي يناسب وضعك أو لا بس حبيت أشارك برأيي
الله يسخرلك زوجك ويبعد عنكم الضيق والزعل

حبيبتي اللي قبلي كفو ووفومابين الزوج وزوجته كراامه

يعني روحي له الحين وقولي له ياعزيزي انا ماقلت هالكلام الا لأني منحرجه انام عند اهلك والا مافيه مشكله ولاني ماأحبك تزعل ولا ودي اكدر خاطرك واحبك يالله بأروح معك جيبيها عن طريق مداعبه والرجال اطول منك نفس ياحبيبتي وابعدي عنك عزة النفس

خذي هالنصيحه من وحده متزوجه اذا تبغين تكسبين زوجك لاتعنديه

لان الرجال يكره الزوجه العنيده واتمنى لك حياة سعيده

طالما انت عروسه ..فلك مني هذه النصيحه

الزوجان المتحابان فعلا ليس بينهما أسلوب الكرامه ..بل بينهما امور أعمق وأفضى للود والحب وهي التضحيه والتنازل...
وهذا لأجل من؟؟
لأجل الله أولا..ومن ثم رضا الزوج والحفاظ على عش الزوجيه بطريقه سعيده ..

ومع ذلك من حق أي زوجه ان ترفض ..شئ لاتريده وليس فيه ضرر
لكن المشكله في كيفية الرفض
هناك أساليب افضل من قول لا..أو اظهار التذمر على الوجه..او الجواب في نفس الوقت
اتركي ردك الى بعد مده..قولي يصير خير أن شاء الله مثلا
بعدها تخيري الوقت المناسب وبيني له مشاعرك وأنك لاتودين مثلا ..وما في نفسك
اهم شئ الاسلوب
وهذا لن يأتي في يوم وليله لكن مع الايام

والاهم من هذا كله أدعي الله وبكثره أن يسخر الله زوجك لك كما تحبين والعكس
والله يوفقك ويسدد خطاك

شوفي أختي أكشن اذا هو بيطول يعني يوم أوأكثر وأبو زوجك ماهو موجود فلا يجوز أن تباتين عند أهل الزوج لعدم وجود المحرم( وهذه فتوى كتبتها لتعم الفائده) . ولما يرجع خبريه بهذا الكلام وانه لا زم يعوضك عن الموقف اللي سواه وانتي أختاري .....

المشكله احنا لو عاملنا ازواجنا على انه مافي كرامه بين الزوجين.. هم لا ما يعاملوننا على هالاساس..

يعني مثلا مثال الاخت لما قالت له اول شي لا.. وبعدين رجعت ووافقت هو رفض وقال بعد ايش!!!

يعني الرجال اللي يعاملك على اساس كرامته.. لازم تعاملينه على اساس كرامتك ولا الله يعينك بحياتك..

مره ثانيه حبيبتي فكري زين قبل لا تقولين "نعم او لا" وبعد ماتختارين لا تتراجعين عن قرارك ابد..