من صبغت بنفسها والا سوت تعتيق تتفضل هناااااا

السلام عليكم ورحمة الله وبركاته

شحالكن خواتي ان شاء الله بخير والكل متوفق

انا يا بنات جت في بالي فكرة اني اصبغ صالة بيتنا والصراحه ما قد جربت الصبغ من قبل ولا اعرف له
وعشان جذا عندي كم سؤال للخبيرات اللي جربن الصبغ

الحينه انا الصاله عندي مصبوغه بصبغ زيتي بيج ابغي اعرف هل لازم اشيل الصبغ القديم علشان اصبغ الجديد والا عادي اصبغ فوق القديم الزيتي؟؟
وشو هو نوع الصبغ اللي يناسب اني اصبغه فوق الزيتي... ودي بالمائي بس مش عارفة اذا ينفع يكون فوق الصبغ القديم او لا .. ويقولون المائي بسرعه يخيس اذا قربوا العيال صوب الجدار ... بشو تنصحوني ويكون عادي اصبغه على الزيتي وما يطلع فرق في اللون ولا يخيس بسرعه ؟؟

وبعد ودي اسوي طريقة التعتيق .. ولما دورت في النت لقيت يسوونها بعدة اشيا اما الاسفنج او الفرش او السفرة والنايلون او الفوطة القطن والا المكنسة
ابي اسأل المجربات شو احسن طريقة للتعتيق ؟؟؟ افكر في سالفة السفرة لاني احسها اسهل شي بس خايفة من النتايج

والا تنصحوني ما اغامر واجربها دامني اصبغ للمرة الاولى ؟؟!!!


واذا وحده صبغت وصارت لها اخطاء ياليت تفيدني وتخبرني قبل ما اطيح في نفس الغلط

والسموحه طولت عليكم هذا كل اللي عندي حاليا