من صغري شايلة الهم

مادري شلون ابدا و وش اقول غير الله يجزاكم خير يابنات المنتدى والله يوفكقم فين ماكنتو من جد من بديت اتصفح في هذا المنتدى ارتحت وخفف عني كثير

سبحان الله عمري ماشتكيت لحد وماحب اشكي مشاكلي بس قلت خليني افضفض هنا وتدعولي ان شاءالله ربي يفرجها علي
احنا عيلة والحمدلله على قد الحال عايشين وابتلانا الله بان كل العيال (الذكور ) في العيلة ينولدو بتخلف عقلي والحمدلله على كل حال ,وانا من صغري للاسف كنت مره متعقدة منهم وماكنت اطلع منهم ابدا حتى اتحاشى نظرات الناس لاخواني فيها نظرات شفقة وفيها نظرات استهزاء هذا غير التعليقات , المهم كبرت وفهمت ان هذا ابتلاء من ربي ولازم نحمده ونصبر والحمدلله على كل حال , وانا البنت الكبيرة وقربت للثلاثين وماتزوجت للحين وصدقوني موهامني اتزوج اولا لان يحز علي اخلي عيلتي ومين يساعدهم في العناية باخواني, بس طالبتكم تدعولي القى وظيفة زينة لان الوالد خلاص طلع المعاش وهو ماقصر الله يعينه مريض ضغط وسكر ابي اريحه
والله مابي مساعدة اوشي بس ابس دعواتكم القى وظيفة تستر الحال واملي في ربي ثم فيكم كبير