من صفحات احزاني

السلام عليكم ورحمة الله وبركاته

الى اخواتي الطيبات

حبيت احط قصتي هاي لتكون عبره واتمنى انكم تستفيدون منها

اتزوجة ريلي وانا عمري 18 سنه وسبب الزواج اردة الله ثم امه تبا تفرح به

المهم تزوجنا ومن اول يوم ذبحتلي القطه :42:

رحنا مصر شهر عسل ويوم رجعة لقيت باب المشاكل والمعايره وقلة الحيا مفتوح على مصرعيه

تصحيني من الفجر ويروحوا عيالها المدارس الي هم اخوان ريلي من امه

ترى امه مصريه وبعد وفاة ابوه الاماراتي تزوجة صعيدي

المهم ادق الدريشه بكل قوتها وتقول اصحي ياكسوله نهار طين عليك وعلى اهلك وامك الدبه

ترى امي متينه شوي (ومصريه ) بس ونعم فيها جنها بدويه

المهم اقوم افتح الدريشه واقولها صباح الخير ياعمتي تقولي خير هيجي الخير منين وانتي نايمه

اقولها انزين بيج الحين تقول بسرعه كتك ضربه

اغسل ويهي واصحي ريلي يروح الدوام

اروح اسويله شي ياكله او يشربه تنازع تقول حد الله ابني مطلبش حاجه يعني شوا انا الي باكله معنها بخيييييييييييييييييييله وكم وكم خلتني انا جوعانه وتحسب علي القمه

بعد مايروح كل الي في البيت اتم انا وهي وزوجها الصعيدي العاطل يدوخ ويشرب شاي احمر

وتلفني البيت كله من مسح لطبخ لترتيب كاني خادمه :29:

من الساعه 6الين الساعه12 ونص وهي ماتسكت كله تسب وتصارخ يالكسوله ياوسخه يبنت ؟؟؟ والي فيح وعليج يا وسب بانواعه وانا ساكته اقول في خاطري يمكن يوم واحد وبتسكت

وثاني يوم وعلى نفس الموال ونفس السب قلت في خاطري خليني اصحا انا وانا الي اصحيها قمت

ثاني يوم وصحيتها وقلتلها صباح الخير ياعمتي يلا مدرسه قالت نهار طين عليكي وعلى الي جابوكي دلسه بدري

وهو نفس التوقيت الي تصينا عليه بس متقدم 10دقائق

المهم اقولها انزين واروح من غير ماتقولي عشان اسلم من سبها ارتب البيت وامسح واكنس واحظر للطبخ

اتي وهي معصبه شفتي اهوا انا علمتك حاجه لنفسك يالي امك ماعلمتك وتبدا تسب وتعاير

افففففففففف لاكذا عاجب ولا كذا عاجب

سالتني بتعرفي تحفي قلتلها هيه وماصدقة هاتي المرايه والبدره والخيط وتعالي حفيلي

ونقعد مع بعض واحفلها وجها كامل وتستانس :23:

وتمت كل يومين تطلب مني معن الشعر مايلحق يطلع وانا من نفسي عشان اسلم من لسانها واتوددلها اي اقصف اظافر ايدها وريلها

وايبلها الحلاوه واشيلها من كل مكان في البدايه استحيت بس اعتبرتها مثل امي معن قسم بالله امي ماقصفتلها اضافرها ولاحتى حفيتلها ابد :44:

المهم اقصف اظافرها واسويلها حلاوه واصبغلها شعرها شهريا لان شعرها ابيض واسبحا مره او مرتين في الشهر بس دلع اونها انتي بتدعكي جسمي كويس كانه مغربي

ولايعجبها اترد تسب وطول الوقت تسبني وتهيني

ملاحظه (هي حرمه كبيره عمرها من 9سنوات 42والحين 50 ونظرها ضعيف وعندها كسر في عين الورك قديم سبب لها عرج والام مستمره الله يشفيها )

المهم راعيتها مثل امي وهي اعتبرتني عدوه مره تتهمني بسرقه ومره اني اغازل ريلها ومره اني فاشله وقالت لريلي

وهذا ثاني شهر من زواجي

1 اني ممسوكه في قضية مخدرات :06:

2 مغتصبيني شباب :11:

3 كنت عضوه في الدعاره :30:

4 اني مب عذرا :44:

5 ابوي خمار :01:

6 امي يابت نص اخواني في الحرام :19:

7 ان امي والحرمه الي عرفتهم علينا عسبت يتزوجوني كانوا شبكه في الدعاره :o

وغيره وغيره من بلاوي

المهم ريلي سالها كيف عرفتي تقول بس ناس مخبريني ومحلفيني ماتكلم عنهم وتقوله هوليك حاجه عندي

المهم ياكم بكيت وشكيت ولا في فايده

غير ان اخواته بلاوي وقمه في قلة الادب ومشاكل عمري ماشفت مثلها

واتم اصيح واروح عند اهلي بسنين اقعد وانجبت 3بنات وكان ردها يلهوي ياحبيبي يابني معندكش ولد

ويوم اتي تزورني في المستشفى ماتقول مبروك اتقول معلش الله يعوض عليكي :44:

المهم استحملة 9سنوات الذل والمشاكل وكم مره طلبت الطلاق من ريلي وهو يقولي انا عارف انتي منو وبنت منوا وانا اعرف انج عذرا واهلج محترمين بس امي الله يهديها

معصبه ومن النوع العدواني ويتعذر وينتهي الموضوع وارد البيت ومازالوا يهينوني ويسبوني وهي من النوع الي اذا فتح فمه ماتسكره الا يوم تنام

وتسب سب بذيء وتصبع باصبعها الي في النص وتحطه تحت ذقني بلقوا وتسب

وانا والله العظيم ساكته ومارد بس دموعي تنزل مثل الوادي

تعبت ودخلتلها من كل وادي من الكلام المعسول والهدايه والطاعه والله اني بست رجلها ولاعبرتني

المهم جا اليوم الموعود

يات اختي زياره عندي وحنا جالسين رمت كلمه فمارديناعليها لاننا محترمين ورمت الثانيه وعصبت

ليش ماتردون قلنالها شونقول الي تشوفينه هو الزين عصبت

وتمت تسب وقامت ضربتني انا واختي بس انا واختي احترمناها ومازالت مصممه الا لازم تضربنا

ملاحظه انا واهله في نفس البيت بس حاطه جدار خشب وتلف في اقل من دقيه يعني مجرد جدار خشب

المهم تعبنا من كثر الضرب وريلي نايم واروح عنده واقوله الي يستوي في الصاله قالي اطلعي برا ابا ارقد

واصرخ بكل قوه حراااام عليك انا تعبت بنتك تقولي صدق ياماما انتي (ق) سبه

ورحت اتصلت على الشرطه وطرشولي دوريه وقلتله انا بروح بيت اهلي انا بطلق منك لو شو صار

وفتحت الكبتات وفرشت شراشف وناديت الخدامه وهي تصيح لان عمتي ضربتها ولميت حاجتي وحاجة البنات

وحنا واقفين عند الباب اكلم الدوريه طلعت وماسوت اعتبار للشرطه وحطة صبعها في عيني وضربتني وقالت لبنتها تعالي اضربيها ويات بنتها وضربتني وخذتنا الشرطه انا واختي

ورحنا المغفر المهم فتحت بلاغ وعطوني ورقه للمستشفى

ويات هي وابنها الي فهمته في البيت اني انا واختي ضربناها ويا وتخيلوا المنظر ياي نافخ ريشه ويبا يطلق

واول ماحط عينه في عيني انصعق عني تنزل الدممن عيني وويهي اخضر وازرق واختي مورمه

عنبووو احنا ضربنها ولاهي المهم ريلي اختنق وخذني انا واختي وودونا المستشفى ويا التقرير

اصابه في العين اليمنى ونزيف حاد وكدمات في الوجه واختي بعد وحنا طالعين نسمع صوت وحده تصارخ وتقول وهي تتقيا بصوت يعني تحاول تمثل اووووووع الحقوني هموت مرات ابني ضربتني

المهم عرفنا انها طلبت ورقه صحيه اثبات حاله

ورحنا المركز وحالفه ميت يمين ماتنازل المهم يو تقريرها يقول تدعي الم في الراس ووالم في البطن تدعي باصابه في الرجل

المهم قالي الشرطي هاي حرمه كبيره سامحيها المهم قلت بسوي بلاغين لها ولبنتها بلاغ عنها بتنازل بس البنت بسجنها

المهم ريلي قالي خلاص سامحي امي واسجني اختي حز في خاطر وسويت تنازل وسامحتهم

بس بشرط مانقعد في البيت ابد مقاطعه ليوم القيامه انت رووح لامك وراضيهاا اما انا اكرهااااااااااااااااااا


اكرهااااااااااااااااااااااا والله العظيم اكرهاااااا وستوتلي حاله اسمها حاله عصبيه لو تذكرتها
المهم يلسنا عند اهلي وهو معاي نترى فرج الله اما نسافر اما يطلعلنا بيت الله كريم



وانا الحين كملة 3شهور مااكلمهم ولارحت عندهم بس ريلي يوصل امه لانها جنته وناره

رضها من رضى الله


وبس وانا عاقده العزم بعدم مسامحتها ابد الي يوم القيامه حسبي الله عليها

ملاحظه (من دعائي بقول حسبي الله ونعم الوكيل ياها مرض الكبدالوبائي الفيروسي س

وهي من يوم المشكله وهي حالتها تسوء وتروح المستشفى وتترقد بالايام حسبي الله عليها عمري مابسامحها ابد )




حسبي الله ونعم الوكيل









ملاحظه (ها اختصار لما طوته 9سنوات من احزان والام لا تنسوني بادعاء)