الحمدلله على سلامة ولدك
الله يحفظ كل طفل لامه ولا يوريها مكروه فيه ويارب يا كريم ترزق اخواتي المسلمات بالذريه الصالحه عاجلا غير اجل

مره شفت وحده سوريه بمجمع صحاري بالمطاعم فوق مضيعه ولدها يمكن عمره سنتين ويدورونه ما لقوه هي وابوه حتى الناس بالمجمع تعاونو معهم وصاروا يراكضون بكل مكان يدورون معهم وهي يا قلبي عليها يوم فقدت الامل قسم بالله يابنات انها من حرتها تنط من الارض نط وتناقز والحريم يحاولون يمسكونها ويسمون عليها وانا انقطع قلبي من البكاء ابكي وادعي انهم يلقونه وفي الا خير لقوه وكان مشهد ماساوي حتى انسدت نفسي وما تعشيت من البكى وضيقة الصدر الله لا يحر قلوبنا على غالينا يارب

والله يابنات ماكان قصدي ازعلكم واغثكم بس والله من الروعة اللي جتني على ولدي حبيت تشاركوني

انا ضعت لما كنت صغيره

خخخخخخخخخخخخخ مو صغيره صغيره لا بسادس يمكن بس انخرش عقلي


لما اشوف طفل ضايع ويصيح يتقطع قلبي واقول يااااااااااربي كيف اهله تاركينه يمشي لحاله او ماانتبهوا له

اقول لما يكون عندي اطفال بربطهم بيدني خخخخخخخخخخخ من الذراقه

الحمد لله على السلامة

انا اولدي ضاع في بني ياس الامارات في سوق محلات على الشارع وكان عمرة هذاك الوقت ثمان سنين

وكنا خلاص راجعين للسعودية ونزلت ملقوفة عند المحلات وزوجي راح ركن السيارة في المواقف ورا المبنى والولد معاي

قلت للولد نعسان روح للسيارة بجي الحين راح مالقى السيارة راح يمشي يدور الين ضاع طلعت من المحل ادور على السيارة

مالقيتها وقفت على الشارع الازوجي جاي قال تعالي السيارة من هنا ركبت السيارة والتفت ورا على اعيالي

وين افلان قالو ما شفناة كان معاك ..الله لايوريكم على الي حصل المحلات كلها هنود وبكستانية والولد ايهبل ابيض والشعر اشقر

ومتعافي وفي محلات اهنود قعدت اصارخ وانادي علية مثل المجنونة وابوة انهبل بدال مايهديني شعللني ... واتصل زوجي بالشرطة

وانا الوب المحلات واركض وماشوف من الدموع وحامل في الشهر السابع

المهم ياطويلات العمار لقيناة بعد اربع ساعات كأنها اربع سنين بمساعدة الشرطة قطع الشارع وراح محلات من الصوب الثاني شايف

سيارة تشابة سيارة ابوه ولقيناه يبكي وفي بيت ناس جزاهم الله خير اتصلو على الشرطة وبلغوهم وان شاء الله ماحد يشوف

مكروة ياربي ... انا من الخوف على ولدي صار معاي ولادة مبكرة وشافع ان شاء الله ........

يمه وجعني قلبي الله يصبر ميمته ويرجع ابتهال لحظن امها
انا اخاف من المسأله هاذي تصدقون من ولدت ولدي والحين عمره 3 سنوات وانا احلم دايما انه يضيع مني وصياح وهلع وخوف وقهر بالحلم بمجرد ماافتح عيوني واشوفه احمد ربي واشكره انه حلم
قسم بالله اني اتراعد عليه حتى وانا بالبيت