عيون سعد :

السلام عليكم و رحمة الله و بركاته: رجعت لكم ،، بكمل لكم قصص ضياع ولدي الله يصلحه و عيال المسلمين .. بس الحمدلله كلها وهو كبير ، مرة توها السنة اللي فاتت في رمضان ، كان رايح مع أبوه لصلاة التروايح المشكلة المسجد مقابل لبيتنا على طول ،، لما خلصت التروايح رجع أبوه لحاله ، قلت وين الولد ؟؟؟ قال ما رجع البيت ،، قلت له: لالا وينه ؟؟ المشكلة أنه أنضرب الجرس و أنا جالسة أصلي ، و لما سلمت ردت بس ما أحد جاوب فما فكرت ، فرجعت أصلي ، فلما ما لقيته مع أبوه تذكرت ، وشوفوا الافكار ،، أكيد طلع من المسجد و ضرب الجرس ، أكيد أجى أحد و خطفه من عند الباب ، عاد كان الفترة ذيك نسمع قصص عن خطف الاولاد الكبار في وقت صلاة التروايح ،، و راح أبوه يدوره في كل الحارة ثم رجع : و انا هاه لقيته ،، قال لالا ، أخذ مفتاح سيارته و صار يدور بالسيارة ، الى ان لقاه طالع من بيت من بيوت الجيران البعاد ، صار بيت صاحبه .. هو طلع من المسجد و ضرب الجرس علي لما ما فتحت له جاء أصحابه و قالوا أنهم بيروحون بيت صاحبه فراح معهم... الله يهديه بس ، و طبعا أخذ درس معتبر من أبوه... و صار أبوه يصلي الفرض ، و يجيبه يدخله البيت ، قبل ما يصلي التروايح ، و أنا علشان ما يشغلني ، اخليه يأمني في صلاة التروايح ، وشوفه عاد أنواع الترتيل و مسوي فيها أمام عن حقيقي .. يارب يهديه و يصير أما عن جد لما يكبر... المرة الثانية ،، أنا من كثر ما أسمع عن حوادث الخطف و الضياع صرت أحذر عيالي أنهم ما يبعدون عنا أبدا لما نكون في السوق ، و ما يتكلمون مع واحد غريب ، و اذا جاء أحد بيمسكهم يجرون أن يصرخون بصوت عالي ، واذا ضاعوا يروح على طول لرجال الامن اللي في السوق ، فولدي ماشاء الله عليه من خوفه حفظ الكلام عن ظهر قلب... ومرة كنا رايحين لـ سيتي بلاز فأتفقت أنا و أبوهم نفترق علشان نخلص بسرعة وهو يأخذ الولد و انا معي البنت ، و قبل ما يروحون حرصته ما يروح عن نظره ، أنا عادة ما أخذهم معي ، لانه طول ما هم معي ما أعرف أشتري من خوف عليهم ، بس أراقبهم ، بس أضطر أحيان اذا ما لقيت أحد ، أو علشان المقاس ،، فأنا أخذت البنت علشان أخلص ملابسها و أبونا أخذ الولد علشان يخلص له ، المهم ولدي هذا ملول لأبعد حد و ما يحب السوق أبدا ، فأذا أبوه ثم قال له بيوقف يتفرج على الالعاب ، فأبوه ماشاء الله خلاه يروح ، و جلس يدور له ملابس ، أنا طبعا خلصت ملابس بنتي و رجنا ندور لها جزمة ( الله يكرمكم ) الا زوجي جاي لنا و لحاله قلت وين مشاري ، قال ما أدري عنه قال بروح لقسم الالعاب و رحت أدوره و ما لقيته ، قلت أنت من صدق قال و الله العظيم ، قلت يا بردك روح دوره ، قال: وين بيروح يا بنت الحال أكيد لقى له كورة و الا حاجة ، أنا بغيت انهبل ،، انا بروح أدوره قال خلاص بروح أهجد ي بس ، الا نسمع الآمن ينادي : والد الطفل مشاري ......... ، أنا فرحت و أتطمنت ، شوي الا نسمعه هو ينادي فضحكنا عليها يقول: أنا مشاري ..... جالس عند الآمن تعال يا بوي .. و الكل يضحك عليه ،، فراح أبوه و جابه ، و مبسوط على عمره أنه تكلم في الميكروفون و قال أبوه: ماشاء الله عليك تصرفت صح و رحت للآمن ، قال: أيه أمي قايلة لي اذا ضعت رح للآمن على طول و قول لهم أنا ضايع..و كان يضحك بس كان خايف ، مع أنه أبوه ترى ما بعد عنه كثير ، بس هو من الخوف على طول راح الآمن... الله يهديه و يصلحه و كل عيال المسلمين يارب..

السلام عليكم و رحمة الله و بركاته: رجعت لكم ،، بكمل لكم قصص ضياع ولدي الله يصلحه و عيال...

me_2 :

يالله حزنتيني يارب ترده ساااااااااااالم معافى لاهله

يالله حزنتيني يارب ترده ساااااااااااالم معافى لاهله

ام شهرزاد :

بنات والله قصص محزنة جدا ... والله ياما وياما صار لي زي ذا المواقف الله لا يعيدها... بس يابنات ما شاءالله عليكم تضمونهم وتبوسونهم اذا لقيتوهم ... انا عكسكم لمن الا قيه اضربه ضرب اخذ الجزمه الله يكرمكم والخه فيها لين يعض الارض وما يضيع ثاني مرة وليته يفيد ........الله يبعد عنا وعنكم الشر والضياع ......يارب.

بنات والله قصص محزنة جدا ... والله ياما وياما صار لي زي ذا المواقف الله لا...

هذاك أول :

من مدة كم سنة كانت اختي طالعة مع حمولتها للثمامة وضاع ولدها وحاسوا يدورونها تقول اختي جاء الليل ولابين الولد واحتاسوا حوسه يودورنه وعلى تقريبآ الساعة عشر مادرت الا واحد فلبيني جايهم وشايل ولدها تقول من فرحتي يوم شفتي ولدي رحت وخميت الفلبيني ويبون يفومني وعجزوا من الصياح اثاري الولد راح يمشي وبعد شوي وسبحان الله نام تحت شجرة وقريب من عائلة فلبينية قام يصيح الولد اخذه الفلبيني وقام يدوربه علي الناس لحد مالقوا اهله اللي هي اختي انا قعدت اضحك على اختي وهي تقص علينا وتخيلت شكلها شابطه في هالفلبيني ماكنت ادري انه بيصير لي نفس الموقف كنت في الأردن ورحنا للبحر الميت وغفلت شوي قريب المغرب الا اختفى ولدي وكان عمره 4 سنوات الله لايوريكم من صراخي كلن قام يدور واركض للحراس اللي على البوابه اقولهم سكروها وانا اراكض بكل مكان ادوره الا شوي ويجي واحد عراقي الله يجزاه الجنه والديه شايل ولدي واطمر عليه واخمه من فرحتي بولدي وانا بس اصيح يالله لك الحمد اللي رجع لي ولدي تعودت اذا سافرت البس عيالي يأسوارة او تعليقه فيها اسمه واسمي ورقم الجوال واسم ابوه الله لايحرم كل ام من ولدها ويرد كل ضايع لأمه وسلامتكم طولت عليكم

من مدة كم سنة كانت اختي طالعة مع حمولتها للثمامة وضاع ولدها وحاسوا يدورونها تقول اختي جاء الليل...