اللحمد لله علا سلامة ولدك والله يحفضهم لك
والله انا ضاع علي ولدي مرتين مره في هايبر بنده كنت مع اهلي وعيني عليه طوال الوقت اراقبه
اللمهم انتقلنا من قسم لقسموولدي جلس مكانه ماانتبهت له بعد فتره فقته وعلطول قلت ولدي انخطف ضاع اللمهم من فجعة الموقف قمت اجري في السوق
واتلفت يمين وشمال لين اوصلت لاخر السوق اللمهم اخوي الكبير دكي رجع لنفس مكانا الاول الي كنا فيه وحصله مكانه مع واحد هندي من العمال
يلعب معه اللمهم حصلي ولدي وضعت انا قاموا يدوروني في السوق وحصلوني علطول لما شفت ولدي حضنته وجلست ابكي
واقوله حبيبي مره ثانيه لاتروح وتخليني وكان عمره سنتين والولد المسكين كمان خاف ورفض انزله في الارض يبي اقعد شايلته

والمره الثانيه في سوق ثاني راح لوحده جهة الاحديه تعلق قلبه عند وحده من الاحديه يبيها وجلسنا ندور عليه وانا علطول قمت ابكي وادعي ربي انه يحفضه لي بعدين حصلناه في الجهه الثانيه

انا مو قصه الا قصص يا ويلي بغيت انهبل
مره كنا في الحرم وكنا نصلي التراويح يعني برمضان تخيلوا الزحمه ومعي بنتي عمرها كان حوالي ثلاث او اربع سنوات وكانت مره مشاغبه ما تقعد ابد وطول الصلاه انا اصلي وما سكتها وعيني عليها وعلى اخر ركعه يادوب سلمت ولفيت اخذ شنطتي وبغمضة عين اختفت البنت اتلفت يمين يسار ما فيه امل لانه وقت طلوع الناس من الحرم والكل متجه ع البوابات المهم نص ساعه ادور انا وابوها وخفت الزحمه في الحرم قلت ما فيه الا اسال العسكري رحت له قال دوريها في مركز الصفا حق الاطفال الضايعين بس ما قتنعت بكلامه مدري ليه وقلت لابوها وراح وانا ظليت في الحرم ادور انا واختها وبعد شويه الا ابوها جاي وشايلها بغيت انهبل من الفرحه طلعت الاخت في الزحمه الناس طلعوها معاهم بارجولهم للساحه واخذوها الامن ودوها مركز الضايعين يقول ابوها لقيتها تسكت العيال اللي يبكون ههههههههههههههه

يالله دكرتيني برمضان الماضي كنت بالسوق انا واختي وبنت خالتي ووالولد كان نايم بالعربية تبعه
وانا اشتريت وخلصت قام من نومه
قلت لبنت خالتي عينك عليه اوف نزل من عربيته وماحصلته
بغيت اموت صرت امشي واقول لناس ماشفته ولد عمره تقريبا سنتين
ومر شريط حياته قدام عيني بلحظة
اختي تدور والناس تدور
وانا كنت ادور داخل السوق
اختي ربي الهمها وطلعت برا السوق لقاته واقف يطالع بواحد يبيع وفي رجال يسال ولد مين هدا
انا شفتها جايباه رجولي ماعادت تبي تشيلني وابكي وابكي
وشلته منها وانا اضمه بياع قالي رميتي لي جوارب على الارض قلت له خير قال لا مو خير قلت طيب كم ثمنها اشتريها بس اسكت وصرت بين فرحة اني لقيت ولدي وين هالادمي اللي مايحس بس الناس بهدلوه سمعوه اللي عمره ماسمعه
والحمدلله من يومها حرمت اوديه سوق معاي
اه ياربي قلت لو انخطف لو صار بيه شي ابوه بيجيني من السعودية مايقول الولد ضاع بيقول سرقته ولا اخفيته ووووووو ياربي لك الحمد
ياربي لا يعيدها ولا يوري احد مكروه فعياله يارب

يا الله يا بنات .. الموضوع يصيح :( أتخيل نفسي أمر بهالحالة .. يمممممه مدري وش بيصير فيني

يا رب ما أجرب هالشعور وكل أخواتي المسلمات

يووووه يا ربي الله يحفظ عيالنا من كل شر
انا يا بنات ما ضيعته بمكان

آآآه تقطع قلبي
ولدي سويت له حفله كبيره عشان ذكرى ميلاده .. وهو مكمل سنه وكم شهر .. يعني حبيبي يمشي ومبسوط بالعيال اللي حواليه ويروح ويجي
كانت ليلة تهبل لانه فرحان بالعيال .. وقبل ما تخلص الحفلة ابوي طلب انه يشوفه ويلعب معاه وهو يا قلبي عليه يبي يروح للعيال بالمجلس .. والمجلس مفتوح على الباب الخارجي مادري شلون غفلت عنه مع انه في البيت .. لانه مع العيال يلعب
لفيت يمين يسار الاقيهم يلعبون بدونه
وين ولدي ؟؟ مادري هناك واروح هناك وما الاقي شي واروح جهه ثانية وين ولدي .. والكل صار يدور الولد
يا نااااس الولد اختفى فص ملح وذاب دورت عليه بالبيت كله فوووق تحت بالحمامات تحت الطاولات
ماكو اثر
وتطيح عيني على باب الشارع الحديد مفتوح شوي ........ انفجع قلبي
مستحيل ذا طفل يفتح الباب او يدزه ثقيل
جن جنوني
وقلت في خاطري معقوله اني مسوية حفلة وداع لولدي
وانا حامل يابنات بالسابع ماحسيت ببطني واللي فيه ابي ولدي ما ابغى شي ثاني
طلعت بنت خالتي بعباتها الشارع
الا تشووف واحد شايل ولدي من بعيد .. تقوول يوووه هذا ولدنا ويطلع وراها ابوي .. وانا خلاااااص طبيت رجولي ماشالتني ..
جابه ابوي لي
واشوفه يصيح ومنقطع نفسه وهاته بجي ذيك الليلة .. سبحان الله انقلبت الحفله لحزن مؤقت والحمدلله اللي رجعلي وحفظلي وليدي .. اكتب هالقصه وهو بحضني :)
000
0
0
0
0
0
0
0
لحظة
0
0
0
تعرفون مين اللي ماخذ ولدي ؟؟؟؟؟؟؟؟






ابوه دخل عند مدخل الرجال وسحب الولد وطلع به عند رفيجه عشان يشوفه وماقاللي
واخرتها يقوللي انتي شلون تخلين الولد يطلع الشارع لحاله !!!!
وهو اللي ماخذه من سط البيت ولا احد حس فيه

انقهرت قهر مو طبيعي :(