دايما دايما استودعوهم الله تعالى بالذات في الاسواق و اماكن الزحمه

و لازم الواحد ينتبه لهم

الله يحفظ لنا ما وهبنا و لا يحرمنا

والله ذكرتيني بسوالف الله لا يعيدها
مره برمضان العام قام زوجي وعزمنا علي الفطور في جزيره الشراع بجده
وانا وزوجي جالسين وقام ولدي عمره خمسه سنوات
وطلب دباب واخذ له ابوه دباب بالساعه
جلس الولد يلعب وقال ابوه لمن تخلص تعال عندنا قال طيب
الولد لف وضيع
المكان
ودور علينا ولا حصلنا يحسبنا خرجنا وخليناه
وقام خرج المواقف برا يدور علي السياره
وماحصلها وهوه جالس يبكي بيموت من كثر مابكى
وقام وطلع الشارع وجلس علي الرصيف ماعاد يشوف من البكاء واحنا علي بالنا يلعب
المهم حصله بنقالي وساله قال ليش تبكي
قال اهلي راحو وخلوني هنا
استغرب البنقالي قال فين كانو اهلك قال هنا بالمنتزه اللي جوه
قام اخذه وجابه واعطاه السكرتي وجلس يلف به لين حصلنا ياقلبي لمن وصل عندي وهوه خلاص ميت ضميته وجلست ابكي
قلت الحمد لله ربي ستر ماراح ولدي
ومره ثانيه رحنا الساحل الغربي استراحه ولمن جينا بنمشي قال بابا ابغى بقاله
قال ابوه روح شوف مفتوحه وشوي يضيع المكان
واحنا ننتضره ما شفناه
وندور عليه وربي ساعه قلبي خلاص وقف وزوجي دموعه علي خده يقول ليتني ما خليته يروح
وبعدين حصلناه بعد معاناه
اثاريه يدور علي السكرتي عشان السكرتي يدور علينا بس لمن جاء ولدي خلاص ماعاد يقدر يتنفس من البكى

واتذكر وحده من صحباتي اخوها ضاع بالحرم همه من جماعتنا وعمره 3 سنوات والحين له 27 سنه تقريبا
وبعد جارتي تحكيني عن بنت من جماعتهم ضاعت علي امها في السوق وهيه صغيره
وجت الام مره ونزلت السوق وجت عندها بنت تشحدالبنت ذي يدها اليمين مقطوعه قالت والله لمن قربت مني البنت حسيت قلبي قبض
وحسيت قلبي فز لها تقول اعطيتها خمس ريال وراحت ابتعدت شوي
قالت وانا جالسه اطالع فيها تقول والله ياقلبي تعلق فيها المهم تقول ناديتها ماجت تقول قمت ارفعت لها الشنطه يعني بعطيك فلوس تقول جت تركض
تقول قلت لها تعالي معي بيتي واعطيك شوكلاته وملابس حلوه والعاب تقول بالقوه اقنعتهتا قلت لها وبرجعك هنا بالسوق في الليل
المهم الحرمه تقول كنت بكسب فيها اجر البنت اللي ضاعت علي الحرمه هاذي فيها وحمه كبيره في ضهرها من يوم ولدت
لمن راحت البيت تقول دخلتها الحمام اروشها ولمن طالعت بضهرها الا شافت الوحمه
تحلف بالله ماشالوها من الحمام الا مغمى عليها ولمن دخل زوجها وشافها برضو جلس يصيح ويبكي
معقوله بنتهم اللي ضاعت ترجع بعد عشره سنوات ولا يدها مقطوعه
تذكرت ولد عمي الله يرحمه طلع من البيت العصر ولمن جاء المغرب تاخر مارجع وراحو يدورون له ماحصلوه ويدورون لين الساعه تسعه واخيرا حصلوه طايح في بير ميت مع انو مو صغر عمره تقريبا 8 سنوات بس الله يرحمه يارب امه ماخلت مكان مادورت عليه فيه صارت مثل المجنونه بس الله يعوضها يارب


معليش طولت عليكم بس حبيت اخبركم

الحمد الله على سلامتها ...
حنــا كن انا وأهلي في المدينة زيــاارة ..
.. وحنا ماشين في الطريق كان في بسطات المهم كان فيها ألعاب وأشترى أبوي لأختي لعبة تلفون ألي يطلع منها صووت إذا ضغطتي زر
.. ودخلنا الفندق .. وقدام ندخل المصعد رجع أبوي من المصعد كان أصلاً في زحمة فقال أبوي لحظة خليهم يطلعون بعدين حنا .. في هذا الوقت أختي دخلت معهم وحنا مانتبهنا ..في نفس الوقت أمي قالت البنت و ين راحت .. أمي جاها فجعة تقووول لأبوي أدخل معهم يمكن هنا .. وأنا برووح أدورهـ عند مدخل الفندق ..وكان كل ألي في المصعد تركيات .. المهم .. أبوي يدخل مهم ... وأمي تقووول لأخوووي رووح مع الدرج .. وأخووي المسكن وصل لدور السابع يدور .. وأبوي يقول سمعت صووت لعبتها .. يقول قاعدة أدورها معهم يقووول لهم بالله شوووي أنا أسمع صووت لعبتها ... ويقول رجال ألي معهم يبعد أبوووي يقول وخر ياشيخ محد معنا بس بعد .. وأبوي يدنق ويشوف أختي تلعب لعبتها و ماهي يم أحد .. وفي حرمة مغطيتها بشرشف .. وأبوووي سكت .. خل لين يوقف المصعد ويسحب أختي
ورجال يقووول ويعتذر والله مدرينا ومدري أيش .. وأبوووي يقول بس خلاص توكلو على الله ..
المهم أبوووي يرووح للغرفة .. ويطق على أمي و يقول لنا أرجعو خلاص لقيتها .. المهم أمي ماتطمنت ألين شافتها يعلني أفدها

وبش .. هذاي السالفة قبل كم سنة
..

حنا كنا بالسوق على وقت عيد وزحممممه مره وفجأه ضاع ولد أختي وندور ولا لقيناه
امه مسكييييييينه حالتها حااااله وشوي نشوف سيارة شرطه واقفه قلنا بس اكيد انه انصدم رحنا ناظر بس الحمدلله ماطلع هو
ويستمر مسلسل البحث بعدها لقيناه مع حرمه ماسكته قالت والله اني دعيت على امه الله يسامحها بس مافيه ام تتعمد تضيع ولدها
يوم شافته امه تضممه وتصيح وامي تصيح وانا مثلهم :)
ماصدقنا اننا لقيناه بعدها خلاص ضاقت صدرونا وممالنا خلق نشتري شئ ..

ياشين الطفل اذا ضاع وعمره اقل من 3 سنوات تخافين بقوووووووووووووووه ..