السلام عليكم ورحمة الله
علمتني الحياه رغم صغر سني ان الحكم والامثال .. حقيقه لابد وان يثبت لك الزمن صدقها ..
علمتني دروس ودروس كانت في واقعي وامام انضاري .. واكثر شيء شدني هذا المثل -
من ضحك على شيء ابتلي به ......؟؟؟؟
مررت بمواقف عديدهـ منها ماهو تاافهه ومنه ماهو عضيم وحصل لقريبات لي اثبت ان الله يأخذ بحق الانسان في الدنيا قبل الاخرهـ او ان يعاقبه على تشمته في الدنيا قبل الاخره لاتقولين لن اقصد او انه شيء فعلا مضحك والله والله انك لتوضعين في نفس الموقف وتذكرين الموقف اللذي ضحكتي عليه وتعرفين ان للحكمه ثمن فلولا قيمتها مارددت الى يومنا هذا
اذكر اقرب مثال مع نفسي : في ايام الصف الاول ثانوي ضحكت على صديقه لي بموقف كان في قمة الاحراج انها كانت ترتدي حذائين في كل قدم حذاء شكل ووو السبب ان السائق استعجل عليها على الرغم انها كانت نفسس اللون ووماكان باين بس كان ذاك اليوم مافارقت محلها وعلى فكره مااحد انتبهه لها الى انا وماقالت لاحد الى انا عشان كذا انتبهت ..؟؟؟ وضحكت عليها غصب عني والله ووهي مازعلت مني ابدا
بعد اسبوعين كان حفل للامهات ووالمدرسه امتلئت بالحضور وكنت في كامل اناقتي واستغربت من تصرف بعض البنات لي يطالعون برجولي والله ياعالم ماخطر في بالي شي ابدا وومشيت الموضوع عادي ووبافصل في بنات يضحكون ومانتبهتوعديتها ووجت عيني عليها وربي حسيت بدوخه حتى اعتذرت عن تقديم الفقره تبعي
ووموقف ثاني قريبه لي كان عمرها 17 سنه كانت عاقله وثقيله وتكتم مشاعرها تجاه اي شاب تحبه بس كانت غلطتها تتشمت بالبنات اللي لهم علاقات ووتتكلم فيهم ؟؟ بااسلوب الاستحقار على الرغم انها كانت تتكلم بس قدامي وقدام اخواتها مو قدام احد ثاني ابد
ووصار عمرها 27 وحصل لها نفس موقف صار للبنت هو اللي فضح هالبنت وخلا سالفتها تنتشر ككانت البنت اللي تضحك عليها حبيبها بالمستشفى فكانت تتصل عليه تتطمن على اخباره وكانو خوان الولد يهزؤنها ويشتمون فيها باانواع الكلام الجارح .. ووكانت ترجع تتصل الى ان وصل الموضوع لولد عم الولد وكلمها وهزئها وفضحها وهي صارت تتكلم عنها ماتستحي وووو
مرت الايام وحبت لها واحد عن طريق النت وحبيبها مرض وانقطع عنها اسابيع كثيره مايتصل والجوال مغلق اتصلت يوم من الايام ورد عليها صديق الولد واعطاها كم هائل من الكلام
سكرت السماعه جلست تبكي وتفضفض لي قسم بالله تذكرتها بعد يومين لما كانت تضحك على البنت كيف ربي بلاها
وووفيه حرمه من جماعتنا كانو عندها بنات كثار تقريبا 6 بنات وكانو اكبرهم بنت في ثاني سنه بالجامعه وومخطوبه وكنت اذكرهم يوم كنت في اول متوسط يوم عمري 13 سنه واللي اصغر منها في ثالث ثانوي واللي اصغر منها في اول ثانوي واللي اصغر في ثالث متوسط وواللي اصغر اول متوسط معاي واللي بعدها سادس ابتدائي
كانت شغاله امهم تشمت بالبنات اللي يتخرجون ويجلسون بالبيت بدون عرسان وربي مالها سالفه غيرهم تقهرني لما يصير اجتماع حريم ووتفتح هالموضوع وتعددهم فلانه وفلانه وفلانه وصلوو الثلاثين وماحد طق بابهم ياحراااااااااااام
المهم انا الان عمري 23 يعني مرت عشر سنوات ووربي جابهم عندنا في حارتنا سبحان الله يوم زارونا جت ومعها كل بناتها انا توقعت انهم اغلبهم تزوجو وصارو امهات
لكن سبحان الله بنتها اللي كانت مخطوبه بالجامعه تطلقت واللحين عمرها 30 واللي اصغر منها 28 واللي اصغر 26
وواللي بعدها 25 واللي كانت معاي تخرجت اللحين عمرها 23 واللي اصغر شي بااخر سنه بالجامعه
شفتووووو كيف كانت تضحك على البنات اللي يتخرجون وماتزوجو واللحين بنات الخمس تخرجو وماحد طق بابهم وواصغر وحده بااخر سنه وربي ان بناتها مافيهم عيب وناويه اخطب الكبيره لخالي بس سبحان الله وانا كنت صغيره ماكان يعجبني كلامها واللحين تذكرت انه كما تدين تدااااان
ومن ضحك على شيء ابتلي به
واذا شفتي ابتلاء قولي : الحمد للهاللذي عافاني مما ابتلاك به وفضلني على كثير من خلقك مع الدعاء من القلب بالتفريج على المبتلي
خصوصا يابنات الحذر الحذر من البنات اللي يغامرون بسمعتهم ترا ابتلاء لما الوحده ينزع منها الحياء حتى لو كانت تستحي سبحان الله الواحد يمر بمواقف مثلا تصادق ناس يقولون عن الشيء الغلط عاااااااادي وهي معهم تردد عادي وتسوي سواتهم بعدين تصير ضحيه لضحكها على الناس ,,,,,,,, الحذر من الضحك على مصيبة السمعه بالذات
: يلا ياحواااءءت افتوني بقصصكم فليكون موضوع العبرهـ لمن يضحك عى الناس
ّ~ تذكـــ~ــآر~ّ @tthkar_23
عضوة فعالة
يلزم عليك تسجيل الدخول أولًا لكتابة تعليق.
أم الهيف
•
والله كلام ذهب بالرغم ان عمرك صغير اسأل الله لك السعاده والتوفيق ..
أم الهيف :
والله كلام ذهب بالرغم ان عمرك صغير اسأل الله لك السعاده والتوفيق ..والله كلام ذهب بالرغم ان عمرك صغير اسأل الله لك السعاده والتوفيق ..
الذهب هو مرورك الاروع شكرا عزيزتي
الصفحة الأخيرة