من طرائف المستشفى خلونا نضحك شوي ونبكي شوي

السلام عليكم ورحمة الله.وبركاته
وش اخبار الكل والجميع خلونا اليوم نفرفش شوي ونضحك مامليتو من طقني هاوشني طلقني معط شوشتي خلونا نجمع الطرائف والعجائب الي تواجهنا في المستشفى خلوني ابدء انا متكممه وجاني مضاعفات ودخلت المستشفى وحطوني اول شي في غرفه كبيره وسراير بينهم ستاير رغم ان رتبة زوجي عاليه المهم انا يابنات كنت مااذوق النوم لاليلي ليل ولا نهاري نهار عندي وحده عجوز ماتخلينا ننوم اذا نومتها شغالتها قالت قعديني وتعلق بنات على الكلام اذا قعدتها قالت قوميني وبس طول يومها مسكينه كذا وإذا نامت قلت الحمد الله توني أتنفس الصعداء وإلا الي جنبي انواع الشخير او تكرمون يستفرغ وفيه وحده الله يستر عليها هي وامها طقاق اربعه وعشرين ساعه ولا ابوها اذا زارهم تهاوش ولا قلبه لكم هالمستشفى حديقه يجتمعون وأنواع الضحك والسواليف بشكه حشى في حديقه مو مستشفى و جاني مع التكميم سلس بول وتكرمون استفراغ وإسهال ودورة المياه بعيده مره لازم اطلع مسافه وانا انسانه ماامشي الا بعكاز على. مابال أوصل تكرمون دورة المياه الا انا خلاص واصله حدي المهم وبعد جهد جهيد نقولوني غرفه خاصه الحمد الله بس قالو اطلعي امشي وإذا طلعت اشوف شي يضيق الصدر غرفه مكتوب عليها ممنوع الزياره وقدام غرفتي جلست هذاك اليوم كله ابكي والله ماصدقت يكتبون لي خروج كنهم قايلين لي افراج سجن مع ان بنت اختي الله يوفقها ويخليها لامها يارب ماقصرت طلعتني في حديقة المستشفى أغير جو عاد كان وقتها صيف والمبنى الي انا فيه جديد وحلو وعندي تلفزيون ومعي نت بعد بس فعلاً المستشفى بحد ذاته يجيب الاكتئاب والضيقة الله لايكتب عليكم دخول مستشفى غير ولاده ولا على من تحبون يارب شي يضيق الصدر وبعد انتظار كتبو لي خروج