فقدت هالقسم من زمان عنه وحبيت اقدم بعض كبساتي اتمنى انها تعجبكم ...
نبدا بالاول : برياني الدجاج
المقادير
دجاج مقطع بدون جلد وعظم ومتبل بشوي ملح وبهارات مشكله وكمون
كاسين رز
بصل مقطع
ثوم مفروم
زنجبيل مفروم طازج
علبة زبادي
صلصة طماطم
حبيتين طماطم مقطع
بقدونس وكزبره خضراء مفرومه
البهارات (ملعقة كبيره بهارات برياني مهران ـ ملعقة كركم ـ ملح ـ شوي فلفل اسود حب ـ شوي كمون حب ـ حبات من الهيل والمسمار القرنفل ـ ورق غار ـ ملعقة كزبره ناشفه ـ ورق غار )
الطريقة
نقلي قطع الدجاج بزيت حار حتى تتحمر
وهذا شكلها بعد ماحمرتها
نحمس البصل بشوي زيت على النار وحط الثوم والزنجبيل واضيف عليه الفلفل الحب والكمون الحب ورق الغار والهيل والمسمار
ثم اضيف باقي البهارات كلها مع ملعقتين كبار من الصلصه
ثم اضيف الطماطم
واخليهم حتى يتجانسو ويذوب الطماطم واضيف الكزبره المفرومه معهم
ثم اضيف الدجاج المحمر
والزبادي بعد مااخلطه بشوي مويه واذوبه زين واضيف البقدونس معه
ثم اكون انا سالقه الارزنص سلقه و احط بقاع القدر نص كمية الارز واحط فوقه الدجاج المسبك
ثم اغطيه بكمية الارز المتبقيه وارش سطحه بماء ورد مع صفار الزعفران بهالشكل
واغطيه بقصدير واخليه على نار هادئه جدا لمده عشر دقائق ثم اقلبيه بصحن التقديم بهالشكل
امممممم والله لذيذ
واذا تحبي زينيها بالبصل المحروق والمكسرات وبالعافيـــــــــــــــــة
بكمل لالالالالالالالالالالا احد يرد يالغاليات
هذي صورة مقاديرها
التحضييير
نبدا بسلق الدجاجه في مويه ونحط معها حبات من الهيل والقرفه وملح بعدين نشيل من فوقها الزفره ونخليها تنضج …
نبدا بوضع الخضار على النار وهي 3 حبات كوسه وحبتين جزر وحبة فلفل رومي بارد ونبدا بحمسها بشوي زيت ونغطيها بغطاء حتى تذبل بعدين نضيف نص حبة ماجي مع شوي فلفل اسود وشوي صفار ونخليها على جنب بعد ماتستوي …
نحضر الصلصه الخاصه بالدجاجه في صحن فص ثوم وربع معجون طماطم وشوي فلفل اسود وربع حبة ماجي وربع ليمونه معصوره وملقعة من الخل الابيض ثم نضيف عليهم شوي من مرقة الدجاج …
ثم نتبل الدجاجه بالصلصه ونصب فوقها شوي من الزيت لتضيف لمعه للدجاجه ثم توضع بالفرن من فوق وتحت …
ثم نضع حبة بصل متوسطه في قدر على النار ونحمسها بشوي زيت ونحط عليها حبتين فلفل رومي حار وحبة ماجي ابيض وبعض حبات الهيل ثم نضيف عليهم من مرق الدجاج اذا استوى ثم نضيف عليه الارز كاس ونص من الارز المنقوع ونتركه لينضج …
وهذا شكله بعد مانضج الارز ونضع فوقه زعفران منقع بماء ورد …
وبالنهايه نحطه بطبق ونقدمه بهذ الشكل…
وبالعافيــــــــــــــــــــــ ــــــــــــه ….
بكمـــــــــــــــــل لا احددددددددددد يرد