امي جابت اخواني وراء بعض وكثير من الأقارب نقدوا عليها ووحدة مو متزوجة وسبحان الله تزوجت وجابت واحد وحملت بالثاني بعد الأربعين مباشرة. ..

ماتفكرين تحملين بعد الولدين لو مو الشهر هذا ولا اللي بعده ولا حتئ هذي السنه ممكن تفكرين بحمل بعد سنتين وتجيك بنت تشبهلك عاد وش احساسك وقتها !! ترا عادي بويضاتك تتلقح بالنوعين يا حلوه الله يستر علينا وعليك

قبل كانت لي بنت عّم
وزوجها يكون بدوام برا الديره ويجيهم كل ويكند بس
وإذا جا طول الوقت برا البيت
حتى اكل يأكل عند اهله
وكنت اعوذبالله ليه ماعنده حرمه تسوي له اكل!!!
ودارت الدنيا وسكنت نفس الديره اللي بنت عمي فيها
وفيها اهل زوجي
زوجي صار مايجي الا كل ويكند بس
وصار دايم أكله عند اهله
والله احاول فيه انه يجي يأكل معي ومع عياله
واسوي له ألذ شي.
وإذا خلصت طبخ الاكل ودقيت عليه قلت وينك تعال تغد او تعال تعش معنا
قال لا خلاص تغديت عند اهلي
لقيت الاكل جاهز وتغديت معهم
ماتصدقون وش كثر انقهر
حتى احيان يجلس يسولف معهم وينام وهو جالس
ونومه ثقيل يروح الليل وانا انتظره والرجل مو يمي بسابع نومه وإذا حس بنفسه اخر الليل جا
اقول بعد ايش
الشاهد من الكلام ضحكت من بنت عمي وزوجها
وصار زوجي مثل زوجها علماً ان زوجي وزوجها اخوان
عرفت انهم بالنهايه يحبون ياكلون مع اهلهم وجمعه الأهل غير
وأحاول فيه لاتفشلني بأهلك يقولون حرمته ماتهتم فيه
ولا تطبخ له
بس لاحياه لمن تنادي.

انا حامل و زواج اخوي في نهاية التاسع لي
وحده من خواتي كان تقول لازم تحضرين الزواج حتى لو جالسه هذا اخوانا وكذااا
ودايم احسها تضغط علي بس انا عادي مطنشه
المشكله انها طلعت حامل وهي ماتدري ويجي زواج اخوي ولها ست شهور
و زواج اختي في التاسع لها
سبحان الله
الحين اكلمها اقولها كيف زواج اخوي اخاف اكون تعبانه قالت ريحي نفسك حتى لو لك 20 يوم وانتي تعبانه لا تحضري.
تغيرت نظريتها 😂😂😂😂
سبحان مقلب الاحوا

طيب يعني سبحان الله الاغلب يعيب ويبتلئ سواء بقصد او من غير قصد طيب ايش الحل كيف الواحد اذا حس انه عيب علئ احد كيف ممكن يعالج الموضوع او عشان الله ما يبتليه