من عرفت اليوم وأنا متوترة مره/ استوفى الرد

السلام عليكم

مرحبا حوائيات .. فديتكم ان شاء الله انكم باأحسن حال

بنااااااات فيه شخص خطبني الاسبوع اللي راح ودقو الجمعة قالو انه بيجي لاأبوي قصده خطبة رسمية

وأنا انقهرت خير كذا خطبة رسمية على طول على أساس اعرفه ولا شي ماعرف فيه غير اسمه وعائلته بس

المهم قالت امي لهم اصبرو بسأل أبونا يعني ابوي ^^ .. وطبعا أنا قلت لاامي اصبرو مدري وش قررت حتى

واستخرت مرتين ولا حسيت بااي شي يعني مااحس براحة ولا ضيقة عادي الوضع .. وانا استخرت بمواضيع قبل وتحدد لي كل شي وهو اني اكون مرتاحة بس هنا ولاشي حسيت فيه .. :huh:


يوم صار يوم الاحد قلت لاامي أني فكرت بفكرة يجي يزور ابوي ويجلس معه عشان ابوي يعرفه ويعرف اخلاقه وصفاته واسلوبه وكذا يعني بس مو خطبة لا زياره تعارف وبس .. عشان مايجي وهو حاط بباله اني موافقة ماودي احطمه لاني يمكن ارفض عقب مايجلس ابوي واخوي معه .. كل شي يتحدد عقب زيارته .

وامي قالت فكره زينة وابوي وافق وردينا عليهم انه زياره تعارف وبس بدون خطبة ووافقو واخذت اخته رقم ابوي

ودق هو أمس على أبوي وحددو يوم الخميس عشان يجي .. يعني بكرا ..

أمس قالي ابوي ترا فلان دق علي ونسقنا يوم الخميس يجي وكذا وأنا من اول ماقالي قمت وفجاءة جلست أصيح من كل قلبي توترت وخفت واحس ماودي مدري كيف اوصف لكم شعوري اشياء غريبة
وطلعت بمكان ببيتنا مافيه احد وجلست اصيح صياح من قلب لدرجة أني أِشاهق تخيلو وانا مدري ليش كل هالدموع والخوف .. وصديقاتي يقولون هدي نفسك انه عشانه شي جديد عليك ودام انك ماتبين ارفضي مانتي مجبورة
ولاتخلينه هو يصيحك ومن هالكلام ..

لاني وقت ماجلست ابكي كنت اتكلم مع نفسي وافكر ومشوشه مره كنت اقول يارب تصرفه عني يارب مايصير شي ويارب مايتم هالموضوع انا وش لي بالزواج وانا ماافكر اتزوج اللحين وهو مالقى غيري يتزوجها ومن هالكلام << هذا كله مع نفسي مع سيل دموع :confused: :icon33:


والله مدري وش جاني يابنات قد تقدم لي اثنين قبله ورفضتهم عادي .. ولا تضايقت بس هذا موترني هالشخص

وأنا توه عمري ماتميت ال 23 بشهر 3 الجاي اتم 23 وخلصت جامعه وماعندي شي يمنعني لادراسه ولا شي ..
بس مع كذا احس اني صغيره على الزواج ودي بعد ال25 أكون عشات حياتي وتمتعت فيها حتى لو فيه قيود زي الطلعه والمصروف
مو مشكله اتوظف ان شاء الله وادلع نفسي واكون نفسي وابرز شخصيتي بوظيفتي .. شرايكم ؟؟

صح بقولكم يمكن يوم الاحد كذا قلت لاامي تراي رافضته مابيه خلاص قالت امي ليش وتحاول فيني
وانه عاجبتك عيشتك لاطلعه تقدرين تطلعين براحتك ولا فلوس بيدك لاني ماعندي مصروف قوي ابوي يعطيني بس مااحس اني عندي كل شي اتمناه وابيه .. والطلعه ابوي يشدد فيها شوي .. مااقدر اروح لصديقاتي مستحيل
بس اماكن عامة .. وخواتي مو مره معي علاقتنا زقت بسبب السحر لانه فيه سحر تفريق بيننا ويكرهوني كره
ومشاكل كثيره بيننا واللحين مانكلم بعض خير شر ..
وأبوي يوم عرف رفضي وكلامي لاامي عصب علي وقال لي ليئمة انتي ماخليتي احد مارفضتيه
عاجبتك عيشتك هنا كل يوم هواش ومشاكل من خواتك عليك ..
وهذا الرجل اهلي متحسفين فيه مره لان أخته قالت فيه صفات مره حلوة .. زي انه طيب وحبوب .. ومدري وش
حتى قلت لاامي هذي اخته اكيد بتمدحه قالت امي ايه الاخت تمدح بس نسألك عنه زود كانكتفي بكلام اخته
وهو قد تقدم لي قبل شهرين بعد عيد الفطر ورفضته وراحو بحالهم والاسبوع اللي راح رجعو ثانية ..
تقول ان اخوي يقول ارتحت لعائلتهم وللبنت يعني يقصدني ويقصد اهلي .. ماشاء الله مسوي يعرفني مثلا
من وين جت هذي الراحة ؟؟ قالت امي لها مو معقوله انتي مدحتي بنتي لااخوك بشكل مبالغ فيه ليش كذا يتعلق على الفاضي
لان انا جذابه ماني جميله قالت ايه انا مدحت فلانه لااخوي لانها حلوة صدق ونفس مواصفاته ومدري وش تخربط
يعني مبالغه بشكل بمدحي له صح ماني شينة بس ماني جميلة يابنات ..
يعطيكم ممثلة شوي انا قريبة لها تعرفون رفيف اللي بسنوات الضياع ؟؟ هذي كلن يشبهني عليها يعني عادية
ليش اخته ترفعني للسماء احس الولد متخيلي رؤى الصباااان قسم بالله مو للدرجة هذي المدح نرفزتني مره




حتى افكر بيني وبين نفسي كيف يجي الخميس وانا لحالي ماعرف اتصرف مثلا وش نضيفه وش اشتري
مع القهوة والشاهي حلى جاهز او اسوي او شوكلاته او او محتااااااااااره لو خواتي زينات معي كان سوولي كل شي من الى بس انا وحيده مااقدر اتصرف .. :unhappy::confused:


ساعدوني يابنات غير كذا عشان نعرفه وش أقول لااخوي يفتح معه مواضيع زي ايش لازم اكلم اخوي اليوم وافهمه اخاف يجلس معه ولا استفيد يصير يرد ع كلامه وبس ابي اخوي يفتح مواضيع مهمة عشان نعرف طريقة تفكيره واسلوبه وذكا وهل هو شديد وعله ومعقد او متساهل ومتفاهم وشخصيته حلوة
لان يابنات هو ملتزم واضن معلم دين .. فودي اعرف تفكيره قبل اتدبس بااي شي ..

يعني ساعدوني بكل شي كيف يجي وانا ماحسيت بااي شي ناحيته ؟؟
وكيف تكون ضيافته وش احط وش اشتري ؟؟

وأخوي وش المواضيع اللي يكلمه فيها مع ان اخوي صغير يعني مو قده رجال كبير اخوي عمره 21 بس
بس مره يفهم ويعرف بالرجال ماشاء الله .. بس ولو عمره ملخبطني شوي ..


ساعدوني ووقفو معي يامال الجنة مالي بعد الله غيركم الله يخليكم لي :icon33::icon33: