من عرفت اني حامل قبل ٥ شهور الى يومنا هذا والسالفه هذي ملازمتني

مساء الخيرات
والله اخواتي احس اني تعبتكم من كثر ما اتشكى ههههههه
بس وش اسوي مالي غيركم الحين سؤالي انا حملت قبل ذا الحمل
٣ مرات
حملي البكري ماشفت ولا نقطة دم من عرفت اني حامل الى يوم الولادة
حملي الثاني في الاسبوع ١٥ تقريبا نزل علي دم مره وحده فقط شبيه في دم الدوره بس اسبوع واختفى ماعاد شفته
حملي الثالث نزل دم بالاشهر الاولى خفيف يمكن ٣ مرات مره بالشهر الثاني ومره بالشهر الثالث لكن من دخلت الشهر الرابع الى ولادتي ماعاد شفت ولانقطة دم اطلع واسافر واشتغل
بينما حملي هذا وصلت نص الخامس من حللت بالمستوصف وعرفت اني حامل لازم اذا مسحت الافرازات مو صافيه فيها خيوط دم او دم خفيف
اخذت مثبتات اخذت تحاميل والحال هوا هوا
ينقطع اسبوعين وبأقل مجهود يرجع عملت مسحه مهبليه سليمه
التهاب البول ماله اي دخل بإفرازات المهبل رغم اني اعالجه حاليا
رحت كذا دكتور ودكتوره أسأل عن هذي المشكله
يسون سونار يقولون البيبي سليم وكل شي طبيعي طيب الافرازات وش اسبابها ذا الدم الخفيف وش اسبابه يسالون هو خفيف ايه مره خفيف بس مع الافرازات ينزل خلاص طنشي ان شاءالله خير
كيف اطنش هذا دم طيب ابي مثبتات تحاميل اصرفولي لا ماتحتاجين
اذا خفيف ومامعه تقلصات عادي طبيعي كيف طبيعي وانا يوميا او شبه يومي او مرتين بالاسبوع اذا مره انقطع لازم اشوفها ذا الإفرازات الدمويه مايعطوني وجه ويقولون عادي انتبهي للسكر لايرتفع وامورك تمام وانتهي لكن انا مو مرتاحه ابد ابد ماعمرها صارتلي ابد ٣ مرات حملت وماعمره مر علي نفس كذا كل ما امسح افرازات زهريه او دم خفيف صحيح خفيييف جدا لكن مرعب مضيق صدري مره اكيد له سبب مستحيل ماله سبب الدرجة ورب الكعبه سويت مسحة عنق رحم حقت الكشف عن الاورام وسرطانات عافنا الله واياكم وطلعت سليمه الحمدالله يارب شي مره مضيق صدري وش سبب ذا الافرازات
رغم اني مرتاحه جدا لا اسواق ولا مشي ولا ركوب بالسياره وما اوقف فتره طويله وماعندي امساك الحمدالله لكن مع اعرف وش المشكله بالضبط منين هذا الدم ولاطحت في دكتور او دكتوره اهتم الهذي الحكاية حتى مثبتات يقولون خلاص عديتي الشهر الرابع ماتحتاجين خصوصا ذا الافرازات مايجي معاها تقلصات معناته عرضي ومو خطيره هل يعقل؟!! بحياتي ماسمعت عن حامل ينزل منها افرازات دم ابد ابد ممكن فترة مؤقته فقط لكن طوول شهور الحمل هذي جديده علي مره