من علامات قرب الولادة!! محتاجه لجواب الله يفتحها عليكم..

حبيبتي الم الطلق انا قرأت يجيك مثل الم الدوره بس بزياده طبعا بالبدايه تحسينه كل فتره وبعدها يقرب لين مايصير كل خمس دقاايق .. هذا غير المويه .. او ممكن دم او حتى شي اخضر .. والالم يكون بالظهر او البطن او الاثنين مو شرط كل وحده وتعبها ..
بس الاعراض اللي فيك طبيعيه لاننا بكل شهر يزيد تثقلين وانتي بالتاسع يعني شقل وتعب وارهااق .. ودام طبيبتك طمنتك مافي شي خلااص لا تشيلين هم :26:
الله يسهل عليك ولادتك وييسرها يارب ..

انا ولدت من خمس شهور وبكريه
كملت الاربعين اسبوع يعني خلصت التاسع ودخلت العاشر
ما حسيت بالعاراض اللي قتيها بس كنت احس بارتفاع بالضغط وكان راسي بينفجر هذا في الشهر الثامن والتاسع

قبل ولادتي با24 ساعه نزل مني دم بني خفيف جدا ولا حسيت باي الم يذكر كان الساعه 7 الصبح

العصر نزلت مني ماء الرحم وبدا الام خفيف مثل الدوره او اخف يروح ويجي كل مره يزيد الالام والساعه 12 بالليل زادت الالام لحد ما ولد الساعه 6 الصبح ولله الحمد وجبت بنوته حلوه

معليش طولت عليك شوي بس بغيتك تعرفين مراحل الولاده لان الدوخه مو من علاماتها على حد علمي والله يهون عليك ويقومك بالسلامه امين يا رب

شوفي ياقلبي..
أنا بحملي الأول ما حسيت بــ ولاااااا شي!!تخيلي..
كانو يقولون لي أنتي بكرية وبتتأخرين..
ويوم كملت أسبوع من التاسع,,يعني بأوله..أذكر إني كنت رايحة أتمشى أنا وزوجي,,بعدين رحنا للسوق,,بعدين رحنا لبيت أهلي وجلست أصفصف أغراضي وملابسي,, وبعدين طلعنا وتعشينا..ولا كان عندي مؤشر واحد على الولادة..ورجعنا البيت ونمت الساعة 2..والساعة 3 وربع صحيت من نومي على ركلة قوية ببطني من البيبي..وبعدها بدأ مغص قوي ..زي الإمساك بس أسفل الرحم وشديد مرة..كل ربع ساعة يجي لمدة 15 ثانية تقريبا ويرووووح...والساعة 2 الظهر جبت ولدي الله يخليه لي..
يعني ماحسيت بصداع ولا آلام ولا حتى مغص خفيف..
والحين حملي الثاني الله ييسر علي وعليك وعلى الجميع..
ومن يوم دخلت التاسع وأنا أحس بآلام رهيبه بأسفل ظهري وبنصف الظهر بعد..ومن يوم أنسدح يجي مغص يكتم أنفاسي..ودوخة وغثيان ماتتصورين شلون..
يعني أتوقع كل حمل يختلف..أهم شي ياقلبي مادامك بالتاسع لاتخلين مراجعاتك..كل أسبوع لازم تراجعين عشان تتأكدين إن الضغط والدم تمام عندك..
وموفقة ياقلبي:)

الله يسهل عليكي ويقومك بالسلامه ..اتوقع ان هذي أعراض الخوف من الولاده حبيبتي إقرئي القرآن
خاصة سورة مريم وأكثري من الدعاء وخاصة لاإله إلا أنت سبحانك اني كنت من الظالمين وان شالله ربي يهون عليكي وتقومين بالسلامه انتي والبيبي...

وحبيت اقول شي كمان ان كل حمل يختلف عن الثاني ومو كل بكريه لازم تعدي التاسع أنا ببكري أخذت في التاسع 14 يوم وولدت وكانت مدة الطلق والولاده كلها على بعض 9 ساعات اشتد الألم في الثلاث ساعات الأخيره والحمدلله ربي يسرها ...