التعليم بكلوت افضل
مع الصبر والتحفيز
بس لاتبدئين لين تحسي انها تدرك
ولا تفكينها من الحفاظ بعدين ترجعين اكبر خطأ

ولدي عمرو سنتين وشهر وناوية لمن يكمل سنتين وشهرين ابدأ معااه
بس مارح البسو حفاضة بلبسو كلوت عشان يستوعب اكتر
مع اني حاسة انو بيتعبني

بس ربك يسسسسهل ..

سؤال!! ايش المغزى انكم تعلمونهم بالصيف

...عوديه ع الحمام... كيف الطريقه
طبعآآ كلنا عندنا جوالات وجاء الوقت انكم تستخدمونها في شئ مفيد لاولادكم
اول مايصحى شيلي البامبرز وخليه يدخل الحمام((اعزكم الله))
وسوي منبه بعد ساعه ووديه الحمام وقوليله (( يلا اضغط وطلع اذا فيه شئ وخليه دقيقتين باالحمام
ونفس الشئ اليوم كله لمدة اسبوع سوي منبه كل ساعه ودخليه الحمام طبعآ يكوون اليوم كله بدون بامبرز بس وقت النوم او اذا بتروحين عند احد واو بتطلعين مكان!!! عشان ماتتوهقون
الاسبوع اللي بعده خلي المنبه كل ساعه ونص اوساعتين((ع حسب اكل وشرب ولدك))
وبكذا خلاص يتعود يصير هو بنفسه اذا حس بشئ يطلبك
ان شاء الله تفيدكم هذي الطريقه
استخدمتها مع اختي الصغيره لما خلصت السنتين واللهم لك الحمد صارت تدخل لحالها والحين لها 7شهور من تعلمت مانلبسها الا اذا نامت... ولاتنسون تلبسونهم بامبرز الكلوت بدال الحفاض عشان يتعلمون اللبس
وان شاء الله تستفيدون من تجربتي مع اختي
دعواتكم لي

انا كمان ناويه اعلم ولدي بس في الصيف .. لان الشتاء صعب احنا على طول في الحمام مانتحمل مع البرد كيف عاد الطفل اللي ماتعود يمسك نفسه ...
وبعدين اذا سواها على نفسه في الشتاء صعبه ملابس كثيرة وحوسه بس في الصيف عادي قطعه وحده ..
شي ثاني انا استغرب من اللي يعود اطفاله على الحمام بس في النهار ...
ليش والليل ماعاد فيك توقتين المنبه زي النهار والا وش القصة ..
انا عني اشوف انه الطفل اذا بدا يتعلم في النهار لا تلبسينه حفاظه في الليل خطا ...
نفس اللي تسوينه في النهار سويه في الليل ... لانك اذا عودتيه بس في النهار يمكن يتعود على كذا ويصير اذا كبر يتبول في فراشه ..
وذاك الوقت ترجعين لنفس المشكلة او اكبر منها ....

اذا قررتي لازم تقطعي البامبرز مرة واحدة حتى في الخروج والنوم وعمر السنتين هو الأنسب لأن الطفل خلاص يكون عنه القدرة على التحكم في عضلات المثانة والمستقيم بس يبغاله تدريب يعني لازم تكوني طويلة بال وأول مايطلب منك تجري معاه عالحمام حتى لو ماسوى شئ لين يتعود يروح لحاله وحببيه بأنك بعد مايخلص خليه يسحب السيفون وهي هواية عند الأطفال ويغسل يده بالصابون بكده ضربتي عصفورين بحجر
ولازم يكون عندك كلوتات مشمع كثير لأنك في الأول تستهلكي كثير وممكن تلاقيه منتظم يومين ثلاثة وبعدين يرجع ينتكس عادي مافيها شئ ولاتنسي الحوافز في آخر كل يوم ينجز فيه ودائما أسأليه كل شوية تبغى حمام
وساعة الخروج اذا ولد خلي معاكي في السيارة قارورة فاضية ومناديل معطرة واذا بنت خلي معاكي بامبرز تسوي فيه وترميه على طول وتفهميها انه بس عشان احنا في مكان مافيه حمام
أنا اتبعت هدي الطريقة مع عيالي والحمدلله ماتعبوني الا بنتي الوسط عشان لبسته البامبرز بس في النوم تعبتني وهي تلبس البامبرز ل4 سنوات