مرحبا بنات
انا حامل وعملت تحليل nipt بالاسبوع 12
وطلعت النتيجه بعد اسبوعين وفيه احتمال كبير يكون فيه متلازمة ادوارد تروزومي 18
كنت انتظر اوصل الاسبوع 14 عشان اعرف جنس البيبي ولكن كانت الصدمه بنتيجه التحليل كبيره
مرت علي ثلاث أيام ثقيله على قلبي
وكل ماهديت رجعت قريت عن الموضوع وانتكس احس قلبي بيتقطع
كنت اتمنى أخ لولدي ودايما ادعي يارب ارزقني بولد أخ لولدي سليم معافى ، جاني الولد بس عرفت بوقت نتيجه التحليل والفرحه ماكتملت
انهرت بالبدايه ماكنت اعرف شو مصيري
وبعد ماقريت عن المتلازمه وانهم مايعيشون والمستشفى يخيرونك اذا تبين تنزلينه او تخلينه طبعا قبل ما اكمل الاربع شهور مسموح بقانون الدوله
شوي هديت وصرت فاهمه اللي ييصير بكل الاحوال ، واحاول اهون على نفسي ان فيه حل ، لكن كل ماتذكرت لما كنت اشوفه بالسونار الشهور الثلاثه اللي فاتت يتقطع قلبي عليه
خاصه انه بدأ يتحرك وسلم علينا بايده لما حطت السونار وانا وابوه طلعنا فرحانين انه سلم علينا
قاعده احاول اكون هاديه وراضيه بس غصبن عني تجيني نوبة بكاء يوم تطيح عيني على بطني
مهما تكلمت ماحد بالكون كله راح يحس باللي احس فيه
خاصه اني موصغيره وكنت فاقده الامل اني احمل وكنت احس ان هالفرصه جاتني هديه من ربي
الحمدلله ان ربي رزقني الذريه يارب لك الحمد حمداً كثيرا طيبا مباركا فيه
بس شعوري جدا صعب هالايام
وبعد اسبوع راح يعملوا لي تحليل ويسحبون من ماي الجنين عشان يتأكدون انه فعلا فيه هالخلل
ويخيروني اجهضه او اخليه
والنتيجه بعد اسبوع من السحب يعني باقي اسبوعين مادري كيف بعطيش فيهم والتفكير متعبني كثير ومو قادره اوقف تفكير ابدا
نوف82 @noof82
عضوة جديدة
يلزم عليك تسجيل الدخول أولًا لكتابة تعليق.
NIPT نتيجة مسحية ولكن دقيقة
والتشخيص يكون بفحص السائل الامنيوسي او الخملات
قد يكون في الامر خيره والحمدلله على ماقدر وكتب
والتشخيص يكون بفحص السائل الامنيوسي او الخملات
قد يكون في الامر خيره والحمدلله على ماقدر وكتب
وشرعًا يجوز الإجهاض حتى الأسبوع 19 ويوم
وفي الامر رحمة لان الرضيع سيعاني في العناية المركزة وباقي حياته فالحمدلله على ماقدر وكتب
وفي الامر رحمة لان الرضيع سيعاني في العناية المركزة وباقي حياته فالحمدلله على ماقدر وكتب
نوف82
•
NIPT نتيجة مسحية ولكن دقيقة والتشخيص يكون بفحص السائل الامنيوسي او الخملات قد يكون في الامر خيره والحمدلله على ماقدر وكتبNIPT نتيجة مسحية ولكن دقيقة والتشخيص يكون بفحص السائل الامنيوسي او الخملات قد يكون في الامر خيره...
يعني مافي أمل ان النتيجه تكون خاطئة😭 طيب ليش الدكاتره عطوني أمل
الحمدلله على ما قدر وكتب
الحمدلله على ما قدر وكتب
نوف82
•
وشرعًا يجوز الإجهاض حتى الأسبوع 19 ويوم وفي الامر رحمة لان الرضيع سيعاني في العناية المركزة وباقي حياته فالحمدلله على ماقدر وكتبوشرعًا يجوز الإجهاض حتى الأسبوع 19 ويوم وفي الامر رحمة لان الرضيع سيعاني في العناية المركزة...
كيف يصير الاجهاض؟ بحبوب والا طلق صناعي؟ وألم الطلق مثل الولاده الطبيعيه؟؟
الصفحة الأخيرة
ومرات اقول ليش انا بكون من الاثنين بالميه اللي يطلع معاهم غلط وانهار
واقعد افكر كيف بيجهضونه
انا الرحم مايفتح عندي الا باخر يوم بالتاسع
لو يعطوني اقوى طلق مايتحرك واحد سانتي من تجربتي بالولاده الاخيره لين حولوني عمليه
مادري هو امتحان هو ابتلاء
ساعدوني بنات اكون راضيه حامده شاكره