لا غنى لنا عن التراث فمهما دخلت علينا من الغرب فدوما نعود لعاداتنا وتراثنا
عزيزات حبذا لو كل وحده منكن تاتي بلغز شعبي من عندها مع الحل ابيها ضروري
دلوعة
يلزم عليك تسجيل الدخول أولًا لكتابة تعليق.
يا من عرف رجلٍ تنفس براسه
والى اختلف راسه تحل المصايب
لاشب ضوه زاد طيبه وباسه
كيفه يزين الى شعلت الهبايب
والى طفت ضوه تزايد عماسه
عقب النشاط وقوته صار عايب
لاذعذع النسناس هذا حماسه
ويضيّعه لاشك صلف الهبايب
المنطاد
والى اختلف راسه تحل المصايب
لاشب ضوه زاد طيبه وباسه
كيفه يزين الى شعلت الهبايب
والى طفت ضوه تزايد عماسه
عقب النشاط وقوته صار عايب
لاذعذع النسناس هذا حماسه
ويضيّعه لاشك صلف الهبايب
المنطاد
الصفحة الأخيرة
يمشي على راسه ورجله في قفاه
مجود وبين من يسار ومن يمين
عناه رب البيت ويامقوى عناه
الجواب (( المحراث ))
-------------------------------------------------------------------------------
وش الصديق الي تحبه وتغليه
من زود حبه ودك انه بعيدي
مادام انه بعيد مواريه
واذا اقترب يضيق صدرك اكيدي
الجواب (( النظر ))
---------------------------------------------------------------------------------
انشد ك عن الي ساكن ساحة البر
يرقى القصور العاليات مزاجه
في البر موجود وفي البحر مامر
الي على الجواد ياخذ خراجه
واذا جهلت ارجع الحديث ابو ذر
الي رواه الترمذي وابو ماجه
الجواب (( النمل ))
-----------------------------------------------------------------------------
انشدك عن حي في البحر مي
يشرب ولاياكل وهو في محيطه
نابت من الماء في البحر مصدره مي
عجزت احدد موقعه في الخريطه
الجواب (( الجنين ))
-----------------------------------------------------------------------------
انشدك عن رجلا ارجوله ثلاث
يمشي على ثنتين والثالثه لا
وحده من ارجوله ورثها وراث
وثنتين منهن دم والثالثه ماء
الجواب (( غراب ))
--------------------------------------------------------------------------------------
انشدك عن ثوب وسيع وملبوس
على ابسيطه تلبسه كل الاجناس
يجي صحيح الاسم لوكان معكوس
وان انخلع من ناس جاء غيرهم ناس
الجواب (( الظلام ))
------------------------------------------------------------------------------------
انشدك عن قاضي قضى ماتكلام
يصدر احكامه على دين الاسلام
الناس ترضابه وهو ماتعلم
يفسر الحجه ولا هوب ظلام
اذا غلط هذا على ذاك علم
ولابعدت شفته صلى ولا صام
الجواب (( الميزان ))
-----------------------------------------------------------------------------
منهم اثنين عقب عصرالنبي نوح
شرع البواخر في البحر انسجوها
طبو بحر تسعين والكل سابوح
متواعدين القوع لين اوصلوها
واحد ربح روح وواحد خسر روح
والله مع الي كلمته قوموها
الجواب ((النبي موسى عليه الاسلام و فرعون ))
----------------------------------------------------------------------------
انشدك عن شي يجي في الدقيقه مرتين
والكل السنه مامر ولكن في القرن اذكروه
تراه واحد ماذكرنا لاتحسبنه اثنين
من عرض عشرين وثمان اهل المعرفه طلعوه
الجواب (( حرف القاف ))
------------------------------------------------------------------------------
انشدك عن بنت مع الناس
معلقه اعيالها في ارقبتها
اعيالها يجون اشكال واجناس
ولولا اعيالها اناس مابغتها
الجواب (( ميدالية المفاتيح ))
------------------------------------------------------------------------
انشدك عن شي مع الناس مسموع
مايستوي ياكود عكسه ترده
سهمه خفي وداخل الجوف مزروع
يالي سمعت اللغز عطني مرده
الجواب ((السلام ))
------------------------------------------------------------------------------
منقول