من عندها الحل لهذه المشكلة؟؟؟ *التركيز عند إبنتي*

غلا الفلاحي • 20 سنة

غناتي ..
عليج بالقران .. الحقيها لمركز تحفيظ لا القرآن يشرح الصدر و يفتح العقل و يساعد على الحفظ و الاستيعاب و التركيز و سههوله النطق بعد .. غير الاجر و رضا الله .. اختي و الله ما بتندمين و ان شاء الله اتشوفين الفرق عن جريب ..

تحياتي لج يا بنت بلادي و للكل تو ..

سبحان الله

غلا الفلاحي .. الغلا الفلاحي.. كله و احد.. كلهم انااا .. غلا .. فديتج يا اماراتي

sweeting • 20 سنة

غلا الفلاحي :

غناتي .. عليج بالقران .. الحقيها لمركز تحفيظ لا القرآن يشرح الصدر و يفتح العقل و يساعد على الحفظ و الاستيعاب و التركيز و سههوله النطق بعد .. غير الاجر و رضا الله .. اختي و الله ما بتندمين و ان شاء الله اتشوفين الفرق عن جريب .. تحياتي لج يا بنت بلادي و للكل تو .. سبحان الله غلا الفلاحي .. الغلا الفلاحي.. كله و احد.. كلهم انااا .. غلا .. فديتج يا اماراتي

غناتي .. عليج بالقران .. الحقيها لمركز تحفيظ لا القرآن يشرح الصدر و يفتح العقل و يساعد على الحفظ...

اختي اسيرة العذاب: مشكوره اختي على ردج الطيب...احتمال كبير يكون عند البنت اعراض التأخر الدراسي وضعف التركيز انما هي لاتعاني من مشاكل نفسية مع زميلاتها بالعكس كل البنات اللي في صفها معجبين بها ويحبون يصادقونها بس هي تستحي شوي.

اختي كويتيه حره: بخصوص االعسل اعطيها ساعات تاخذ وساعات ترفض واشتريت اعشاب (شاي اكليل الجبل) لزيادة الإدراك شربته مرتين بس.
واشكرج اختي على دعوتج لبنتي واتمنى الصحة والعافية والتقدم لبنتج.

اختي: ثلج..مشكوره الغالية على ردج

اختي : خوخة المنفوخة....يزاج الله خير على تحليلج المفصل للموضوع ومعاج حق ان الطفل لازم تشجعينه بين فترة واخرى عشان يتقدم...وبصراحة هذا الشي انا افتقر له بمعنى اشجع البنت شويه ويوم ما اشوف تجاوب اصارخ عليها...وخصوصا يوم اعرف ان معلمتها تمدحها وتقول انها احرزت تقدم من بداية السنه (طبعا هالكلام مب جدام البنت)

ارجع اسأل البنت ليش انتي في البيت ماتعرفين شئ وفي المدرسه تعرفين؟؟؟

الحين هي في الصف الثالث ومستواها يعتبر جيد جدا والحمدلله على كل حال.

اختي دندوشة: مشكوره الغالية على ردج...والبنت ماتعاني من ضعف النظر ولله الحمد.

اختي مهى: يزاج الله خير على الرد واخبارنا بجز من تجربتج ويا ولدج .

ملاحظة: انا رديت على رسالتج الخاصة بخصوص سؤالج عن بنتي (والحين بس عرفت انج تقصدين هذا الموضوع) وانا رديت على موضوع ثاني يخص بنتي الكبيره فسامحيني.

اختي :غلا الفلاحي...يزاج الله خير على النصيحة الطيبة...بس صدقيني عجزت وانا اترجاهم (عيالي) اني اوديهم مركز صيفي للتحفيظ...مايطيعون...الله يهديهم

خيـــــال الطيف • 20 سنة

أختي كيف بنتك مع الأكل و التغذيه ,؟
لأن كن كثير من الأطفال يكون عندهم ضعف في الإستيعاب نتيجة للتناول المفرط للطعام و المذاكره بعدها فلا يستطيع الإستيعاب بعدها ,,

و أنصحك تسوي لها كشف شااااااااااامل للثأكد من السبب الفعلي .

labelle • 20 سنة

يااختى العزيزة هدا مرض له اسم وله ادوية ومعروف فى الدول المتقدمة اما الدول العربية فانسى
وفيه ناس كبار يعانون منه

انا شغت برنامج الدكتور فيل يتكلم عنه وانا فنى تفس الاعراض الى قال عنها
اتمنى الشفاء لبنتك

الهنديه • 20 سنة

الاخت لابلي
المرض الي تقولين عنه اسمه ADD
و هذا المرض اختي اعراضه مختلفه شوي .. يعني هذا المرض اولا يكون مع الطول طول حياته يعني مو يحصل تغير مفاجا .. الشي الثاني هذا المرض فيه نشاط زائد يعني الطفل ما يقدر يجلس في مكان واحد .. عنده طاقه زايده .. تمنعه من التركيز و الجلوس لفتره و حتى الاستماع لناس يعني الكلام العادي مو الدارسه بس .. الطفل في هذا المرض ما يقدر يسمع الكلام و لا ينفذ الاوامر .. حتى التلفزيون ما يقدر يركز فيه لانه ما يقدر يركز على اي شي
و اعقتد انه حالت البنت شوي مختلفه لانه الواضح انه ما عندها اعراض من هذا القبيل و الي فهمته انه هذا التغير ما صار الا من فتره يعني البنت ما كانت كذا ..
عموما انا انصحك اختي انك تودين بنتك الى طبيب في علم نفس الطفل و ان شاء الله ما يصير الا الخير