goldenlulu :

مركز علاج العقم والمساعدة على الانجاب في مستشفى سليمان الحبيب مكان يستحق انك تروحين تزورينه وتجلسين في الانتظار تشوفين اعداد الناس اللي جايه تدور ريحة طفل والا روحي مركز ذرية ادخلي ابحثي واختاري أي مركز انابيب وحقن وروحي زوريه ضروري فرغ نفسك يوم مدة ساعة وروحي ولو عندك الجرأة ادخلي اكشفي واعملي فحوصات واشعة مهبلية وتحاليل واجلسي بالانتظار يدك على قلبك تنتظري الدكتور وش بيقول عن نتايجك عن امكانية حملك ونسبة نجاح عمليات ما تدرين كم مرة بتسوينها عشان يرزقك ربي طفل طالعي في وجهي الحريم بالانتظار والرجال اللي بس يدور قلقان ادخل الدور اللي فيه العمليات شوفي كم واحد ووحدة فالين المصلى ويصلون قبل يجي دورهم جو فرحة ان فيه امل وخوف انها تفشل طالعي وجوه الدكاترة والموظفات اللي نفسهم يطمنونك لكنهم ما يقدرون لان النسبة ضعيفة والعلم عند الله وبعد كل هذا اجلسي اسبوعين بالبيت مسكرة على نفسك تدخلين الحمام بحساب وتصلين جالسة تتروشين مرة كل كم يوم ممنوعة من اشياء كثيرة ولاتقدرين تقولين لاحد ولا تتحركين تحاولين مادة جسمك ما تصدقين ان 14 يوم مرت بدون دورة عشان تروحين تحللين ترجعين بيتك ساعتين اطول من عمرك كله تنتظرين النتيجة لعل الله يكرمك برقم مرتفع يعني انك حامل حبيبتي احمدي الله واسجدي سجود شكر احتضني بنياتك وادعي ان الله يصلحهم ويبلغك فيهم ويرزقكم برزقهم ويرزقكم الذرية الصالحة اللي تقر عيونكم دنيا واخره

مركز علاج العقم والمساعدة على الانجاب في مستشفى سليمان الحبيب مكان يستحق انك تروحين تزورينه...