من عندها جهاز البخار لتنظيف البشرة؟؟؟

انا عندي جهاز تنظيف البشره الكبير اللي نفس اللي في الصالونات

مادري اذا كان نفس اللي عندج

اللي تسويلي تنظيف للبشره تحط ماي في المكان المخصص لماي وتحط شوية ماي ورد

وعلى بال مايسخن الماي ويظهر بخار تقعد تنظف ويهي اول شي بالكلينسينق جل وبعدها

سكراب وبعدها تعرض ويهي للبخار لمدة 10 _15 دقيقه

وتشل الزيوان بعدها

وبعدين مساج للبشره

وتستخدم الالات اللي فيها مثل الاشعاع للبشره

واخر شي الماسك


انصحج بماسك يناسب نوع بشرتج

وانصحج تيبين حد يسويلج تنظيف بشره اذا ماعرفتي تسوين روحج

اتمنى اني فدتج

تحياتي

شكرا أختي على ردك وجزاك الله ألف خير..
بس لو سمحتي أنا عندي كم سؤال..
شو الكلينسينق جل؟وسكراب؟
وكيف تشيل الزيوان يعني الطريقة كيف؟
وانا بشرتي مختلطة شوهي الماسك المناسب بعد التنظيف؟
أدري ثقلت عليش بأسئلتي ....
بس شو اسوي ماعندي غيركم استشيرهم....ومشكورين أولا وأخيرا

امري امر الغاليه

الكلينسينج جل

اللي هو منظف البشره الرغوه اللي مثل الصابون

والسكراب.....مقشر البشره اللي يزيل الخلايا الميته ويناسب البشره المختلطه

وهذا اللي استخدمه واسمه
EXFOLIANCE CLARTÉ
Clarifying Exfoliating Gel


استخدامه تخلينه عشر دقايق وتفركين ويهج بشكل دائري وتغسلينه بالماي

وبالنسبه للزيوان تشيله بالضغط باطراف اصابعها حت يطلع من الانف والجبهه والذقن

والخدود ان كان فيها زيوا

انا بعد بشرتي مختلطه

واستخدم ماسك من لانكوم لانكوم
واسمه
PURE EMPREINTE MASQUE
Purifying Mineral Mask with White Clay


ويستخدم للمناطق اللي فيها دهون مثل الذقن الجبهه والانف

واستخدم معاه هالماسك احطه عالخدود والرقبه
HYDRA-INTENSE MASQUE
Hydrating Gel Mask with Botanical Extract



وتخلينهن على ويهج عشر الي 15 دقيقه وتغسلينه

وبعدها تحطين مرطب للبشره

اتمنى اني وضحتلج بشكل فادج ..

ألف ألف ألف ألف شكر أختي بنت الأمارات والله يجازيج كل خير ان شاء الله ويرزقج الجنة آمين يا رب
ما قصرتي كفيتي ووفيتي حبيبتي وترانا من بلد وحدة...:27:

وانا استفدت من ردج لي واااايد .....شكرا...:26: :26: :26: