من عندها خلفية عن الام الزائرة؟ساعدوني

شوفي ياأختي تكشخي بعدين خوذي هدايا للبنات والمدرسه وجهزي كلام مرتب تقولينه(نصائح للبنات الصغار)ولاتنسين خوذي شكولاته وزعيها على البنات أول ماتدخلين وموفقه إن شاء الله ( اختي مدرسه هي اللي قالت لي)

وعليكم السلام ورحمه الله وبركاته

انا يوم رحت مع بنتي

سويت لهم .............(((يوم الطباخات)))

يقولك علشان تستفيدين ... اول ما دخلت طبعا ..سلمت على المعلمه والبنات اللي زي العسل...وجلسنا على الارض...وعرفتهم باسمي..انا ام ...... وخليت بنتي جنبي...وكل وحده قالت اسمها وحاولت احفظ اسمائهم....بعيدين قصيت عليهم قصه عن الاكل<< شريتها من جرير...وبالصور طبعا..والقصه قصيره علشان ما تاخذ وقت ويملون..
بعدين بدا الطبخ....اول شي انا شاريه لهم مريله بلاستك ..<<<لبستهم اياها...وعطيتهم طواقي طباخين <<وهذا كله شريته من الغيث للبلاستك عند مخرج 14....
وشريت من المكتبه...لصقات على شكل طبخ وادوات طبخ وفواكه وخضار....وقلت لهم..كل وحده تزين طاقيتها ونشوف من احلى واسرع وحده....وانا لبست معهم وجلست اسوي معهم ونلصق وانواااااع الحماااااس<<<بصراحه

بعد كل وحده تخلص تلبس طاقيتها.....وهم فرحااااااااااااانين مررررررره

وبعدين جبت سله حلوه ...وحطيت فيها فواكه وخضار بلاستكيه...وكتبت اسم بنتي على السله...وخليت بنتي ..تدور عليهم كل وحده تاخذ لها نوع تحبه من الفاكهه او الخضره<<<بعدين انا مسويه بالكراسه الملونه اشكال فاكهه ودبست عليها خيط صوف<<<علشان يلبسونها مثل التعلقيه<<<وكل وحده من البنات اخذت نوع الفاكهه او الخضره من السله تاخذ مثله <<تعلقيه من الفاكهه تلبسها..وطلعت اشكالهم حلوه<<<تخيلي ...مريله ...وتعلقه على شكل فاكهه او خضره....وطاقيه مزينينها هم ...

بعدين قلت لهم اجمعو الفاكهه والخضره البلاستكيه اللي وزتها بنتي عليهم في السله...وخليت بنتي تحطيها بركن في الفصل...وقلت لهم هذي هديه بنتي لكم علشان يطلع فصلكم حلووووو

واخر شي...انا جابيه معي كيك انا مسوتيه في بليسيه ومرتبته في سله حلوه...وكرتون عصير...

وفرشنا سماط وووزعت علهم كيك وعصير...

ويوم خلصو....وزعت بنتي عليهم حلاو....وحبيتهم وقلت لهم مع السلامه..

هاه وش رايك ....واذا سويتي شي جديد علمينا
.............................. .............

http://forum.hawaaworld.com/showthread.php?t=710542

ممكن تاخذين صووور بينتك لما كانت صغيررره
وتصلحين مسابقات وتجيبين هدايا
وممكن تاخذين ورود للمعلمات وتحطينها بسله وتخلين بنتك توزعها
جيبي معك قصص او صلحي العاب على فلينه كبيره مثل كلمات متقاطعة بس تكون بسيطة وتناسب سنهم

ان والله
صلحت هدايه للبنات وهدابه للاولاد
وسويت لهم انشاط في الساحه وطلبت المكرفون من الاداره وخليتهم يعبرون عن شعورهم ب الاناشيد
وبعدين بخيت عليهم بخاخات ثلج وقنبله ورقيه0000بغت توقف قلوبهم من الوناسه