من عندها طفلين رضع بدون شغالة بليز ادخلوا

مرحبا بنات

أنا توني والدة الحمدلله
عندي بنت عمرها سنة ونص وألحين ولدي ما كمل الشهر
يعني بعدني نفاس
وماعندي شغالة ما بتوصل إلا بعد شهر ونص

وأنا أسوي كل شيء لبنتي والله يهديها
مرة حركية وتعفس كل شيء وتكب كل شيء
وأنا أباشرها من تبديل وسباحة وترضيع وأكل

وزوجي ياخذها مشوار أحيانا معاه ويساعدني
على حسب استطاعته لكنه يداوم ويتعب كثير بدوامه
ويجي البيت هلكان يبغى من يخدمه
وحاليا ما أطبخ

لكن حالتي مرة مرة صعبة ومو قادرة أتنفس من شغل الأطفال
أخلص من واحد أبلش في الثاني
تبديل حفاظات وعناية وأكل يعني أحس تعبت
الحمدلله على نعمة ربي عطاني أطفال
الله يرزق كل المتأخرات يارب وكل المسلمين
لكن مرة تبعت ولا أجلس مع زوجي يدخل ينام
واحنا جالسين في الصالة مع بنتي والولد مرة ينام ومرات ما ينام من الصياح والمغص

وش أسوي؟ كيف أسيطر على الوضع وأنا ماعندي أحد يساعدني؟
ما أجلس مع زوجي ولا نشوف بعض كثير
انتوا كيف تتعاملون مع الوضع؟
ولما عيالي يوصلون لأي عمر بخف شغلهم؟