الأخت :صريحة
بنت عمتي تمر الحين بنفس المشكلة تقريبا وراحت للطبيب سوا لها تحليل صار زيادة أملاح في البول وأمرها تشرب ماء بكميات كبيييييييييرة عشان تغسل الكلى زين وأعطاها فوار مخصوص لحالة زيادة الأملاح ومنعها عن تناول اي نوع من أنواع البروتينات ومشتقات الالبان وأيضا البندورة والمانجا وكل مايحتوي على نسبة حديد عالية لمدة أسبوع مع الاكثار من شرب الماء بدرجة كبيرة وبعد هاالمدة انتهت مشكلتها بس اللي مأثر عليها المدة اللي امتنعت فيها عن الأشياء اللي ذكرت لك صارت ضعيفة شوي وقالها بتستردين عافيتك بمجرد ما ترجعين لنظام غذائك عادي
بس هي الحين تشتكي من الكعبين لأن الأملاح نزلت في كعوبها لأنها ماكانت تشرب ماء كثير
واعطاها مسكنات ومنتظمة على الفوار

بس اللي لازم تتأكدين منه بالنسبة لأختك هل هي حقا املاح؟
وهل هي في البول أم في الدم؟
لأنها اذا كانت في البول فحلها زي ماقلتلك وبسرعة قبل ماتنتقل للدم
واذا كانت الاملاح في الدم علاجها يطول وما اعرف تفاصيله بالضبط

واما اذا صارت خشونة بالمفاصل مو سببها الاملاح فهذي لازم تتابع مع طبيب مختص عشان تتخلص منها قبل ماتصبح مزمنه

أختي أتمنى أفدتك ، أي استفسار تحت أمرك

أسأل الله لها الشفاء العاجل
لا تنسينا من صالح دعائك

تحط عليها لزقات الحرارة اوتدهنها بزيت دلفئ وتلبس ملابس ثقيلة اذا كان برد بتعرق وبيخف الصوت او يختفي

عزيزتي صريحة .. انا اعاني من نفس المشكلة ..

لكن للاسف معاه ألم .. ولما زاد علي الألم .. رحت للطبيب..

وبعد الاشعة والفحص لفوها لي بلفافات متييييييينه والله من كثرها ما اقدر اجفس ركبي..

وايضاً بالصلاة اكثر من مره لما اكون بوضع السجود وايي ابي اقوم ما اقدر افتح رجلي..

احاول اكثر من مره .. لين اسمع (( طق )) من الركب بعدها اقدر افتحها ...

وايضاً الصوت مثل ما ذكرتي...

يووووه .. تعالي سمعي الاصوات اللي تطلع لين انزل من الدرج

فـ مثل ما قلت لج ان لفوها لي .. وعطوني مسكن للأم .. فقط ..

وعطوني مراجعه للعلاج الطبيعي .. بس الموعد كان بعيد وما رحت..

فـ سافرت الصيف الماضي لألمانيا وأجريت فحوصات هناك..

وفي البداية قالولي احتمال الغضروف مادري شفيه ..

بعد الفحوصات قالو لا الحمدلله كل شي سليم ..

لكن صرفولي مسكنات أخرى للألم .. عند اللزوم..

وأيضا قالولي إن لازم اراجع علاج طبيعي ...

بس رحت كم مره وماشفت تحسّن وبيني وبينج الواحد في هالوضع يمل .. فما كمّلت ..

ولين اليوم وأنا أعاني من نفس المشكلة ..

وأصلي وأنا جالسة .. عند العوار الشديد عند السجود والقيام منه ..

والله يشافينا أجمعين يارب

عذراً عالإطالة