من عنده خبره في العاملات تدخل

و عليكم السلام و رحمة الله و بركاته

الجنسية بصراحة حظ و نصيب بس أنا عن تجربة الفلبينية بعدها الأثيوبية

و بعد أقولك كله حظ ,,, ممكن تطلع الاثيوبية احسن ألف مرة من الفلبينية و غير ذلك تكلفة المكتب و راتبها اقل

الحين أهم النقاط :

*جيبي وحدة بخبرة أنتبهي لا تجيبين وحدة بدون خبرة أبدا أبدا أبدا , و بالأخص لو كانت خبرة في دولة عربية مو دول الخليج ,, الي في الخليج تجي متدلعة و غالبا معها اكثر من خادمة في البيت و لو جات و شافت نفسها لوحدها عندك بالبيت ممكن تتضايق تبي حد يونسها ,لكن الي خبرتها في دولة عربية تجي منظبطة و تعرف كلشي يعني يعلمونها كل شغل البيت حتى الطبخ و تجي تبع شغل

*أهم شي أول ما تيجي عطيها قوانينك ,,يعني ما ينفع تتعلم على الكسل لفترة و بعدها تطلبين منها الالتزام

*عامليها بطيب بس برسمية .


**لا تعصبين و تصارخين عليها ابدا ابدا ,, كلميها عادي و فهميها لو غلطت بشي هي في بيتك و كلشي تحت يدها

*التلفون و من أول ما تجيك فهميها ممنوع ممنوع تصوير اي شي في البيت أو اي حد و تستخدمه في غرفتها بس
انا عني الشغالات كلهم تلفوناتهم في غرفهم ألا وحدة منهم تلفونها معاها في المطبخ عشان اقدر اتصل لها لو كنت خارج البيت عند الحاجة و انا مفهمتهم عشان محد يحتج

*راتبها لازم توقع عندك على الاستلام أو ممكن تفتحين لها حساب و تحولين لها كل شهر

*انا عني الاكل اوفر لهم كلشي عموما ياكلون من نفس اكلنا ,لكن على حسب ما اسمع من ناس ان ممكن الشغالة تسرف بالاكل و يكون اكلها مش طبيعي بزيادة و هذا وارد جدا ,ممكن انتي تحددين لها كميات معينة و انا مع هالرأي بصراحة

*مشيها على نظام واضح ,المنظفات و غيره انتي حددي الكميات لها و الا بتلعب في الاغراض و بتعدمها

طولت ,,لو تذكرت شي برجع ان شاء الله

شي ثاني مهم

انتي طبقي قدامها الشي الي ودك تلتزم فيه

يعني مثلا لا تصارخين على أطفالك قدامها و تضربينهم قدامها صدقيني بتتجرأ عليهم

لما تدخلين المطبخ معها لا تسرفين في الماء أو صابون الصحون أو الزيت أو غيره

شيكي التنظيف وراها و خاصة أول ما تجيك و لو ما عجبك على طول وجهيها

الله يسعدك ياارب .. نصيحتك باخذها بعين الاعتبار جزاك الله كل خير

واحتاج المزيد من المعلومات عن الخدم 😊

على حسب انتي وحظك الجنسيه مالها دخل زي ثنتين اعرفهم عندهم سيريلانكيات وحده تمدحها والثانيه لا بطيئه وشغلها مشي حالك والثانيه بيتها كبير عندها اندونيسيتين وحده شغلها زين والثانيه يعني مو مره تقول ماتعرف مره وماتفهم لي عجزت تعرف عربي شي بسيط كملت مدتها وسافرت  كانت تبي ترجع لها تشتغل عندها والحرمه معد تبغاها ان شاء الله تجيك وحده مثل ماتبينها

اختيار الجنسية يعتمد على احتياجك أكثر من الأفضلية ي خلود كلهم جميع الجنسيات فيهم الزين والشين
أهم شيء من البداية يكون فيه احترام متبادل بينكم وتوضيح للمهام وحدود الشغل بهدوء
وعدم التساهل ولا القسوة الزايدة
أول ما توصل عرّفيها على البيت وروتينك اليومي وسويلها برنامج بسيط وواضح تمشي عليه ومع الوقت تعدلينه حسب شغلها
الصراحة والوضوح من البداية يريحك كثير