من غرائب أفعال النساء وموقفهن من الرجال أخ وزوج ملاحظه لي

في شيء ألاحظه في النساء تحب الرجال سواء أخ أو زوج يوديها مشاوريها ، ويمشيها وفاضي لها و أحيانا يضيع وقته في أشياء سخيفه يرسلونه أهله فيها.

ولما تجي مواقف الرجال الصعبة تفزع بسرعة للرجل الزعول الغضوب اللي كلمته ما يردها مرتين ... وهذا النوع من الرجال تحترمه وتعامله غير ولو كان أخوها تلقينها تفتخر به عن أهل زوجهـا

وتقول هين فلان (الأول) مسكين !

طيب مو الرجل الأول صنعة يدينك أنتِ اللي أضعفتيه .

أشوف حريم لا تطيع زوجها وتسوي من وراه اللتي تبي ، وتلقين أخوها كل المشاوير على ظهره وفي النهاية تمدح فلان اللي مطنش أم أمها ومنشغل بحياته تقول انسان ناجح .

طيب وش سبب هذا الموضوع

هذي وحده تقول قصة لواحد سحب على أمه وخالاته لأنه كان سواق العايلة، ودايم تقول له احتسب وساعد خالاتك و..... كثير منها أشياء تافهه

وفي النهاية لما جا عزيمة كبيرة عندهم تقول قام بها فلان ولدها الثاني اللي عايش حياته عوزايم وكشتات مع خوايه وزي كذا وفلان (ولدها السواق) مسكين زين إنه محرم

والثاني منهار ويقول أنتم اللي صنعتوني كذا وبصراحه أدبهم تأديب تغير مررره ، وبالفعل اللحين تغير

سبحان الله أثرت فيني هالقصة وأنا أطالع عيالي وتغيرت نظرتي للتربيه الله يحفظهم لي ويحفظ لكم عيالكم


آسفة عالاسلوب السريع لكن الموضوع للنقاش وأنا أنيم ولدي :04: