من غربه لغربه شو اسوي؟؟؟؟؟؟؟؟؟؟؟

مرحبا اختي ليه الهم وسعي صدرك انا مثلك سعوديه بس اهلي بمدينه وانا بمدينه ومن يوم تخرجت من الثانوي وانا متغربه عشان الجامعه ومن بعدها زوجي ساكن بالرياض واهلي بالشرقيه والحين صار لي سنه غربه في بريطانيا ولسى كم سنه بعد ومن غير اذا جيت زياره لاهلي تلقيني متنقله بينهم وبين اهل زوجي عشان لهم حق يشوفون ولدي .. جتني فتره تضايقت فيها وجلست اتكلم مع ابوي عن هالموضوع تخيلي دايم اغراضي بالشنط ما احس اني استقريت من 1998 وانا مغتربه :(

بس ابوي هداني وذكرني بالنعم اللي ربي منعمها علينا يا رب لك الحمد وذكرني بغيري وجلس يقولي احمدي ربك غربه دامكم صغار احس من لما تكبرون وخصوصا ان ولدك لسى مو بالمدرسه.. حسيت بعد كلامه بالنعمه اللي احنا فيها ولو ان الدرب صعب بس احسن من غيرنا يا رب لك الحمد على كل شي..

اختي نصيحتي لا تتركين زوجك ببلد الغربه ابد روحي معه وخليك داعم له وخذيها من ناحيه ثانيه كتجربه جديده وتعرف على بلد وحضاره وشعوب اخرى وعلى اساس انها نزهه صدقيني ما راح تندمين الحياه هنا حلوه والجو احلى :o


الله يكتب لك اللي فيه الخير .. بالتوفيق

ابقولك ان الدنيا ماتستاهل الزعل ولا الضيقه ولااحد راضي عنها مهما كان لكن اللي يعرف يكيف نفسه ويتقبل يرضى

صدقيني حتى لو انك ببلادك وعند اهلك لابد شئ ينغص عليك

مالك الا زوجك لانك اذا تركتيه في البدايه بتكونين فرحانه باهلك ورجعتك لهم وبعدين بتفقدينه وبتندمين لان الزوج هو كل شئ للحرمه مانصحك تتركينه ابدا الا لفترة بسيطه حتى تهدين وتشبعين من اهلك وبعدين روحي عنده
ومن شاف مصايب غيره هانت عليه مصيبته

حبيبتي انصحك تروحي مع زوجك ,اذا ما وقفتي جنبه في غربته متى بتوقفين جنبه عاد هو في الغربه يحتاج اي احد يواسيه مابالك بضغوط الدراسه
اذا على اهلك روحي سلمي عليهم واقعدي عندهم فتره بس الله الله بزوجك خليك يده اليمين وصديقه الصدوق

اهليييييييييييين

نصيحتي لك روحي مع زوجك
خلاص انتي تزوجتي وصرت مرتبطه بانسان

ليش تجلسين عند اهلك 3 سنين وهو له حق عليك

روحي لاهلك كل فتره

والحياة حلوه هنا .......اذا بغيتي بتكون حلوه واذا حطيت في بالك شيء شين من البدايه بتكون سيئه

بس حلو تكونون مع بعض ..........وقت الضيق وقت الفرح

استخيري

لكل داء دواء

روحي المستشفى وتعالجي عن فوبيا

اما موضوع تستغلين فترة سفره

شو الي بتستغلينه 3 سنوات

حبيبتي زوجك لا تتركينه ابد

بكره يتعود البعد عنك وتتحسفين وما ينفع الندم

هذا احنا تغربنا كثير اكثر من الي تتوقعينه

خذنا الزين و الشين حذفناه ورانا والحمدالله