من غصة وقهر كتبت موضوعي لكن رحمة الله خلتني امسح دموعي واكتبه لكم

السلام عليكم ورحمة الله وبركاته
كعادتنا جمعة العائلة تكون في نهاية الأسبوع وكلن يجتمع
لكن ذا المرة أنا حسيت ودي اموت من القهر والهم وخصوصا انه شي مالي فيه يد
تخيلو يابنات عمري 29 قريب أصير 30 مو متزوجة ولا موظفة ولا شي الله ماكتب لي ومن طبعي هادئة ومبتسمة وماقد ضايقت احد
بس ان توظفت وحدة يحسبون أني مااتمنى لها الخير ان قلت لوحدة شي عن الملابس ولا الماركات ولا المكياج عطوني نظرة أنتي وش فهمك باللبس
وان جابو طاري السفر قالو سافري إنتي بالاول
واللي كسرني جد أنهم جابو طاري الزواج وكلن يوصف وش حلمه أنا قلت عاد ابيه من خارج القبيلة وله منصب اجتماعي ووظيفي يعني شي الكل يقول لي عليه صبرتي ونلتي وهم بينهم وبين نفسهم يقولون اللي بالعيلة مافكرو فيك من وين يبي يفكر فيك الي برا
أنا قررت اترك كل شي منهم وأتوجه لربي بالصلاة والدعاء والاستغفار ودعيت بحرقة من همي بس مادعيت على احد
وأول يوم أمس واليوم شفت الإجابة تخيلو حلمت حلمين يوم فسرته جا التفسير
شوفو وش تفسير الحلمين ...
ما شا الله تبارك الله رؤية جميلة
خيرا رئيتي و شرا كوفيتي , الله اعلم الرؤيا تبشر بزواجك عن قرريب ان شا الله وربما يأتي الخاطب حسب ما ترغبين من مواصفات و حسب ما طلبتي من ربنا , ايضا الله اعلم ان ما يجذب الخاطب لك هو سمعتك الطيبة بين الناس وسيرتك الحسنة , عدا ذلك هي احداث سوف تصير حال انتقالك من بيت والدك الى بيت زوجك ان شا الله
والحلم الثاني
خيرا رايتي وشرا كفيتي
ان صدقت تشير لزواج لك من رجل مقتدر
الاحمر يشير للعصبيه تعانين منها مستمره وعلى ابسط الامور
الاسود هوه زوجك له قدر بين ناس رجل ذو شخصيه علم وثقافه .
هذا والله اجل واعلى
تخيلو يابنات وش اللي قاعد يصير والله أني من اليوم لو يتكلمون بوجهي مايهمني وقريب ابتزوج وانخطب ولا يهمني احد كونو مع الله أنا من اليوم قوية بالله فقط