من غلط السونار معهااا؟؟

ياختي احمدي الله واشكريه

اهم شي تمام الخلقه والصحه والعافيه

اذا قالوا لك ايوا يغلط او لا مايغلط وش بتستفيدين ؟

في هذا المنتدى شفت ناس تتمنى الحمل ومتقطعه قلوبهم على الانجاب مايهمهم ذكر ولا انثى

الله يرزق كل محرومه بالذريه الصالحه

صدقتي .الموضوع لمرة اخوي .وقلتلها اهمشي الخلق الحسن .
والله يرزق الجميع

كل عطايا الله خيرة
إذا كانت بنت فتأكدي إنها الخير كله
وإذا كان ولد فتأكدي أنه الخير كله
أختي ما شاء الله جابت 6 بنوتات والسابع ولد
بناتها اللي محامية واللي مديرة واللي صحفية واللي مبرمجة كومبيوتر ... الخ
والولد راسب سنتين ورا بعض 😤
وبالنهاية ترك المدرسة وتوه شرطي الله يوفقه
الضنا نعمة أياً كان نوعه بس ترا الإنسان يطمع في كرم الله تعالى الله يرزقها النوعين يارب وكل محروم يار

هو من ناحية نعمة فهذا شي مفروغ منه لله الحمد والشكر على هالنعمة والله يديمها ويتم علينا الحمل بس بالنسبه للغلط فملياااااان اخطاء بالسونار انا رحت اول الرابع قالو لي ولد وبعدين جتني التهابات ورحت اخر السادس قالت لي بنت قلتلها بس قالولي ولد انا شفت الكيسين قالت اااي ظاهر معي انه بنت بس طلع ولد حسب شطارة الدكتورة ترى اغلبهم مايفرقو اذا خطين للبنت او كيسين للولد

ايه فيه تجارب هنا وهناك لنتيجة السونار الغلط ، عمتي قالو لها بنت من اول حملها الى اخره ولما ولدت قالو مبروك ولد .. انفجعت المسكينه لانها بتموت تبي بنت وجهزت كل شي زهري وتوهقت .


السونار نسبه كبيره تكون نتيجته صحيحه لكن مو ميه بالميه .

تقريبا صح تسعين بالميه والباقي يحصل فيها الخطا .

عموما لو غلط او صح بيدها شي تسويه عشان تغير نوع الجنس؟ يعني بتجلس زعلانه عشانه مو نفس اللي ببالها وتكرهه من الان ؟

قولي لها تتعوذ من الشيطان والحمدلله دائما وابدا على عطاياه ، وتدعي دايما بان ربي يكتب لها اللي فيه الخير .

واذا قصدها عشان هالمقاضي تاخذ لها محايد موب لازم ازرق او زهري ..

الله يسهل عليها .