اقولها بصراحة وبقوة لكل أم تجي لبيتي مع أطفالها ...اللي تبي تدلعهم على حسابي وحساب غيري..
اليوم وانا اقرأ موضوع الأخت &نواعم& http://forum.hawaaworld.com/showthread.php?t=1028956#Scene_1
شدني الموضوع وذكرني بمواقف بعيدة وقريبة بس من جد فاقعتن كبدي ..
الموضوع يا امهات هو عن تدليع الأمهات لأطفالهم وخصوصا الدلع اللي مو على سنع..
كلنا نحب اطفالنا وكل ام مجبرة تتحمل شقاوة عيالها لكن يوصل بهم الحد انهم يبون الناس تتحمل شقاوة عيالهم وقلة أدبهم .. ما صارت
وياما حصلت قدامي مواقف لدرجة اني سميت هادا النوع من الأمهات بليدات الإحساس ..من جد
***********************************
انتي مدعوة على زواج والبطاقة مذيلة بجملة منمقة ومحترمة وراقية إن جنة الأطفال بيوتهم يعني افهم يا فهيم ..
تجي انتي وتقولين ولدي عاقل مو مسوي شي.. وتجي الثانية تقول بنتي صغيرة ما تمشي..وتجي الثالثة تقول ليش ما اخذ بنتي وانا امون عليهم ..وتجي الرابعة وتقول اشمعنى ولدي الحين اللي بيضيق عليهم ..الخ....
يوم ندخل العرس الا هو حشى ما هي بصالة الا مدينة ملاهي الأمهات داقات حنك والأطفال هاتك يا لف ودور من الكوشة للمسرح ويوم تبي تدخل العروسة تقوم البنية الصغيرة:04: تصيح خايفة من الظلمة وطبعا صوت الصياح خرب على العروسة صوت الزفة وما غير المصورة تدف العيال لدرجة ان بعض الأعراس يضطرون يأجرون موظفة خاصة علشان تحافظ على المكان قدر الإمكان وتهاوش الأطفال المستانسين ...
وكله كوم والبنيات الصغار يزاحمن بين الحريم يبن الرقص وكل ام متشققة من الفرحة يعني بنتها ترقص ازين من بنت صديقتها..
بصراحة اشوفها قمة السخافة انك علشان تستانسين وعيالك ينبسطون تخربين فرح الناس اللي قعدوا حول الشهر وزود يرتبونه وينظمونه.
ما عندك شغالة تضف عيالك وزوجك عيا يمسكهم اقعدي في بيتك ازين لك.
****************************
موقف ثاني
المطاعم
طبعا من حق الأطفال انهم يطلعون ويتمشون:3_10_6: بس مو من حقنا نزعج الناس يعيالنا
مطاعم الأطفال معروفة ماكدونالز كنتاكي وغيرها من مطاعم الوجبات السريعة .. بس اللي من جد يقهرني اكون طالعة ويا زوجي مطعم رومنسي الا شوي واشوف راس يدنق علينا من فوق الحاجز ولا بيبي توه ما كمل سنة وهاتك يا صياح وإزعاج شوية الا الحاجز يتحرك علشان البزر قاعدن يلعب بو
انا اشوف اللي عندها عيال وتبي تطلع مطاعم زي كدة نصيحتي لها ترى (يمدحون السفري )
*****************************
موقف ثالث
معزومة عند اخت زوجي عزومة عشا حريييييييمييييييي كل شي مرتب ومنسق المجلس نظيف وكل ادوات الضيافة من الكريستال الغالي (أطفالك هنا ايش لهم داعي ) وحجة الأم ان الحرمة عندها عيال كبر عيالي قلت اجيبهم يستانسون ويا بعض ..شوية الألعاب كلها انتقلت للمجلس ..ما تاصل آخر معزومة الا الحلاوة الفاخرة قاضية اوراق على الارض:f226: كنهم في حديقة إيدينهم وسخة وما غير يمسكون بها الكنب والمرايا والتحف يزورون اكواب العصير حق امهم وحق المعزومات ما غير طالعين داخلين هواش وطاق:024: ومطاقق مع عيال راعية البيت اللي قاعدة تغلي من الداخل وما غير تفك بينهم وتضرب عيالها من حرتها والام مشغولة بالسوالف ولا كان شي حصل...*****************************
موقف رابع
معظم المشاغل النسائية معلقين لوحة كبيرة ممنوع اصطحاب الأطفال
تدخلين المشغل الا وهديك العزبة من الاطفال لدرجة انك يجيك احساس انك في روضة
صراخ وتخريب ولعب بادوات الصالون كراتين العصير:f226: والحلاوة على الأرض ما يخلون شي ما يلعبون بو والأم ساكتة ولا كأن بنتها او ولدها يحوس ويدمر:angry: ويخرب المكان؟ غير الضرر اللي ممكن يصيبهم من الروائح الضارة للمواد الكيميائية ولازم نعرف بان الكوفيرات لهم شغلهم ومو خدامات عندنا ولو واحد من عيالك خرب ولا اتلف لهم شي ترى ما يستاهلون عيالك دعوة شينة انتي سببها.
***********************************موقف خامس
تدخلين مول تبين تتقضين ما غير الأطفال يحوسون بالملابس وما بين الإستندات:11retcher يشدون بالملابس لين تنزل الأرض يمسكون الملابس ويسحبونها عند الجهاز حق كاشف السرقة مستانسين انه يدق يحسبونه جرس والأم ما شألله ما عليها تتابع وتدور وتشتري ولا كأن اللي يحوسون هم عيالها.
********************************ترى المواقف كثيرة ..
وانا هنا ما الوم الأطفال علشانهم جهال وما يعرفون يميزون بين الصح والخطأ وخصوصا لما الأم اصلا هي نفسها ما تعرف شلون تربيهم وتعلمهم شلون يحترمون الأماكن . علشانها لو هي تعرف ما كانت اصطحبتهم معها اساسا..
اختي اكيد انك بتقولين ان أطفال هالزمن ما حد يقدر عليه وانا رايحة اوافقك على كلامك بس مو معناه اذا انتي فشلتي بتربية اطفالك تجبرين الناس يتحملون شقاوتهم وقلة أدبهم.
اختي احترام المكان اللي تروحين له هو احترامك لنفسك.
اختي انا ام وعندي اولاد وبنات والحمدلله بس عمري ما ثقلت بهم على احد ولا حتى هلي او اهل ابوهم
ودايم قيسي الشي على نفسك والشي اللي ما ترضيه لنفسك لا ترضينه على غيرك.
تخيري لأطفالك الأماكن اللي يستانسون بها من غير ما يكدرون غيرهم.
آسفة لو جرحتك بالكلام بس عذري المصلحة العامة ..
وربي يهدي اولادنا إن شاء الله
تااااابعوا معاي باقي المواقف
مايبط كبدي الا هذي الحركات
والي يقهرني زود على كل الي يسونه عيالهم يستملحونهم
يعني مرا عاجبها حركاته
ولافي حشمة لاهل البيت ولا الحوسه الي هو مسببها
والا الطامه الكبرى
اذا الولد قام ينطنط على الكنب ويلعب بالحلى
وتجي الام تقول ببرود ياوليدي عييب( انا هننننننننننننننننننننننننا امووووووت قهر)
مرا تكلفت حضرتها